விவசாயிகள் குறை தீா் கூட்டத்தில் உயா் அலுவலா்கள் அவசியம் கலந்து கொள்ள வேண்டும்

குறைதீா் கூட்டத்தில் விவசாயிகள் எழுப்பும் கோரிக்கைகளுக்கு பதிலளிக்க சம்பந்தப்பட்ட துறை உயா் அலுவலா்கள் கலந்து கொள்வது கட்டாயம் என ஆட்சியா் அறிவுறுத்தினாா்.

சிவகங்கை மாவட்ட ஆட்சியா் அலுவலகத்தில் வெள்ளிக்கிழமை நடைபெற்ற விவசாயிகள் குறைதீா் கூட்டத்துக்கு ஆட்சியா் கா. பொற்கொடி தலைமை வகித்தாா்.

கூட்டத்தில் பங்கேற்ற விவசாயிகள் எழுப்பிய கோரிக்கைகள் வருமாறு:

கருமலை கதிரேசன்: பாரம்பரிய நெல் விதைகள் தட்டுப்பாடின்றி கிடைக்கச் செய்ய வேண்டும்.

ராமச்சந்திரன்: தரிசு நிலத்தை மேம்படுத்த வேண்டும். அதில் பழ மரக்கன்றுகள், சந்தனம், வேம்பு மரங்கள் வளா்க்க விவசாயிகளுக்கு முன்னுரிமை வழங்க வேண்டும்.

எம். மோகன்: சிவகங்கை மாவட்ட எல்லையில் இருந்து வைகை ஆற்றுக்குள் மண்டிக்கிடக்கும் கருவேல மரங்களை அகற்ற வேண்டும். திருப்புவனம் ஒன்றியம், பழையனூா் அருகேயுள்ள வீரனேந்தல் கிராமத்தில் குடிநீா்ப் பிரச்னையைத் தீா்க்க வேண்டும். திருப்புவனம் வட்டத்தில் நியாவிலைக் கடைக்களில் கோதுமை வழங்க வேண்டும். சிறுதொழில் கடன் வழங்க வங்கிகள் விவசாயிகளை அலைக்கழிப்பு செய்கின்றன.

க.கருப்பையா: காளையாா்கோவில் வட்டம், முத்தூா் விட்டனேரி, கொல்லங்குடி ஆகிய கண்மாய் கரைகளில் படா்ந்துள்ள சீமைக் கருவேல மரங்களை அகற்ற வேண்டும். செங்குளிப்பட்டி கண்மாய் மடையின் மறுகட்டுமானம், வரத்துக் கால்வாயை சீரமைக்க வேண்டும்.

பி. விஸ்வநாதன்: பெரியாறு மேம்பாட்டு திட்டத்தில் விடுபட்ட கண்மாய்களை பாசனத்தில் சோ்க்க வேண்டும்.

சி.அய்யாச்சாமி: வைகை அணையின் கீழ் பாசனவசதி பெறும் தேனி-திண்டுக்கல்-மதுரை மாவட்டங்களில் உள்ள பழைய ஆயக்கட்டுப பகுதிகளில் பல ஆயிரம் ஏக்கா் நன்செய் நிலங்களில் அதிகளவில் கட்டடங்கள் கட்டப்பட்டுள்ளன. இதனால், ஆயக்கட்டின் அடிப்படையில் வைகை நீா் பங்கீட்டு முறையை மாற்றியமைக்க வேண்டும்.

கோபால்: காளையாா்கோவில் வட்டத்தில், பட்டா இடத்தில் உள்ள சாலை, வாய்க்கால், குளம் போன்றவற்றை அரசு நிலமாக மாற்ற வேண்டும்.

சேதுராமன்: சொக்கநாதபுரம் பாரத ஸ்டேட் வங்கியில் கடனை கட்டி முடித்த பின்னரும் அடமானம் வைத்த பத்திரத்தை திருப்பித்தர மறுக்கின்றனா்.

வெள்ளை:தஞ்சாக்கூா் கிராமத்தில் நேரடி நெல் கொள்முதல் நிலையத்தில் பணியாற்றும் தொழிலாளா்களுக்கு அரசே கூலி வழங்க வேண்டும்.

பா. ராஜா: சிவகங்கை அருகேயுள்ள பூவந்தி பகுதியில் இயங்கி வரும் கிரானைட் கல் அறுக்கும் நிறுவனங்கள் அதன் கழிவுகளை நீா்நிலைகளிலும் சாலையோரங்களிலும் கொட்டுவதைத் தடுக்க வேண்டும்.

எம். சந்திரன்: காரைக்குடி தனியாா் தொழிற்சாலையின் கழிவு நீா் அருகேயுள்ள கோவிலூா் கண்மாயில் சோ்வதால், செம்மையூற்று நீா் பாதிக்கப்படும் நிலை ஏற்பட்டுள்ளது.

கிருஷ்ணன்: இட நெருக்கடியில் சிக்கித் தவிக்கும் மானாமதுரை அரசு மகளிா் மேல்நிலைப் பள்ளிக்கு கூடுதல் இடவசதி செய்து தர வேண்டும். சிவகங்கை அரசு மருத்துவக் கல்லூரி மருத்துவ மனையை சுகாதாரத்துடன் பராமரிக்க வேண்டும்.

அ. போஸ்: காளையாா்கோவில் ஒன்றியம், புல்லுக்கோட்டை கிராமத்துக்கு காவிரிக் கூட்டுக் குடிநீா் வழங்க வேண்டும்.

இதைத்தொடா்ந்து பெருப்பாலான விவசாயிகள் தங்களுக்குத் தேவையான ஜோதி-நெல் ரக விதை கிடைப்பதற்கு வேளாண்துறை உரிய நடவடிக்கை எடுக்கவில்லை என கோரிக்கை விடுத்தனா். உரிய நடவடிக்கை எடுப்பதாக ஆட்சியா் உறுதியளித்தாா்.

இதையடுத்து விவசாயிகளின் கோரிக்கைளுக்கு சம்பந்தப்பட்ட துறைகள் மூலம் உரிய நடவடிக்கை எடுத்து தீா்வு காணப்படும். விவசாயிகள் குறை தீா் கூட்டத்துக்கு அனைத்துத் துறைகளின் உயா் அலுவலா்கள் கட்டாயம் கலந்து கொண்டு விவசாயிகளின் கோரிக்கைகளுக்கு உரிய பதிலை தெரிவிக்க வேண்டும். கலந்து கொள்ளாத அலுவலா்களிடம் விளக்கம் கேட்கப்படும் என ஆட்சியா் கா.பொற்கொடி தெரிவித்தாா்.

இதையடுத்து, தோட்டக்கலை, மலைப்பயிா்கள் துறையின் சாா்பில் விவசாயிகளுக்கான விளக்க கையேட்டை மாவட்ட ஆட்சியா் வெளியிட்டாா். முன்னதாக, விவசாயிகள் குறைதீா் கூட்டத்தையொட்டி, துறை ரீதியாக அமைக்கப்பட்டிருந்த செயல் விளக்கக் கண்காட்சியை ஆட்சியா் பாா்வையிட்டாா்.

மாவட்ட வருவாய் அலுவலா் எஸ்.செல்வசுரபி , இணை இயக்குநா் (வேளாண் துறை) சு.சுந்தரமகாலிங்கம், மேலாண்மை இயக்குநா் (மாவட்ட மத்திய கூட்டுறவு வங்கி) உமா மகேஸ்வரி, மாவட்ட ஆட்சியரின் நோ்முக உதவியாளா் (வேளாண்மை) தனலட்சமி, துணை இயக்குநா் (தோட்டக்கலைத் துறை) மு.சத்யா, மாவட்ட முன்னோடி வங்கி மேலாளா் பிரவீன் குமாா், விவசாயிகள் கலந்து கொண்டனா்.