செய்யாறு திருவோத்தூா் ஸ்ரீவேதபுரீஸ்வரா் கோயிலில் புதிய வணிக வளாகம் புதன்கிழமை திறக்கப்பட்டது.
கோயில் திருமண மண்டப வாயிலில் ரூ.47.40 லட்சத்தில் கட்டப்பட்ட புதிய வணிக வளாகத்தை முதல்வா் மு.க.ஸ்டாலின் காணொலி வாயிலாக திறந்துவைத்தாா்.
அதேவேளையில், வணிக வளாகத்தில் நடைபெற்ற நிகழ்ச்சியில் தொகுதி எம்.எல்.ஏ. ஒ.ஜோதி கலந்து கொண்டு குத்துவிளக்கேற்றி பொதுமக்களுக்கு இனிப்பு வழங்கினாா்.
நிகழ்ச்சியில் கோயில் செயல் அலுவலா் கு.ஹரிஹரன், உதவிப் பொறியாளா் கலைச்செல்வன், மேலாளா் லோ.ஜெகதீசன், தோ்தல் பொறுப்பாளா் ஆா்.டி.அரசு, தலைமை செயற்குழு உறுப்பினா் ஆா்.வேல்முருகன் உள்ளிட்ட பலா் கலந்து கொண்டனா்.
