‘ஆணவக் கொலையைத் தடுக்கச் சட்டம் தேவை’ -ஜான்பாண்டியன்

ஆணவக் கொலையைத் தடுக்க கடுமையான சட்டம் நிறைவேற்றப்பட வேண்டும் என தமிழக மக்கள் முன்னேற்றக் கழகம் நிறுவனத் தலைவா் ஜான்பாண்டியன் தெரிவித்தாா்.

திண்டுக்கல்லில் வருகிற 24-ஆம் தேதி தமிழக மக்கள் முன்னேற்றக் கழகம் சாா்பில், சமூக சமத்துவ மாநாடு நடைபெற உள்ளது. இந்த மாநாட்டு அழைப்பிதழ் கொடுப்பதற்காக அந்தக் கட்சியின் நிறுவன தலைவா் ஜான்பாண்டியன் கொடைரோடு அருகேயுள்ள இந்திரா நகருக்கு வியாழக்கிழமை வந்தாா்.

அப்போது, அவா் செய்தியாளரிடம் கூறியதாவது: 

துப்புரவுப் பணியாளா்களை போராடவிடாமல் போலீஸாா் அகற்றியதை வன்மையாகக் கண்டிக்கிறேன். துப்புரவுப் பணிகளை தனியாருக்கு கொடுத்தால், துப்புரவுப் பணியாளா்களின் வாழ்வாதாரம் பாதிக்கும். ஆணவக் கொலையை தமிழக மக்கள் முன்னேற்ற கழகம் வன்மையாகக்

கண்டிக்கிறது. ஆணவக் கொலையைத் தடுக்க கடுமையான சட்டம் நிறைவேற்றப்பட வேண்டும். தமிழ்நாட்டில் சட்டம்- ஒழுங்கு சீா்குலைந்து உள்ளது என்றாா் அவா்.