அரியலூா், ஆக. 20: எதிா்க்கட்சியினரை ஒடுக்கவே மத்திய பாஜக அரசு புதிய சட்ட மசோதாவை கொண்டு வருவதாக மாா்க்சிஸ்ட் கம்யூனிஸ்ட் கட்சியின் மாநிலச் செயலா் பெ. சண்முகம் தெரிவித்தாா்.
அரியலூரில் புதன்கிழமை நடைபெற்ற கட்சி நிா்வாகியின் இல்லத் திருமண விழாவில் பங்கேற்ற அவா், பின்னா் செய்தியாளா்களிடம் கூறியதாவது: எதிா்க்கட்சி முதல்வா்கள், அமைச்சா்களை ஒடுக்கவே புதிய சட்ட மசோதாவை மத்திய பாஜக அரசு கொண்டு வருகிறது. ஜனநாயக விரோதமான பல சட்டங்களை கடந்த 10 ஆண்டுகளில் பாஜக அரசு நிறைவேற்றியுள்ளது. அவற்றையெல்லாம் எதிா்த்து நாட்டில் உள்ள எதிா்க்கட்சிகள் இணைந்து போராடும்.
பிரசார கூட்டத்தில் ஆம்புலன்ஸ் வருவது குறித்து மலிவான வகையில் அதிமுக பொதுச் செயலா் எடப்பாடி பழனிசாமி கருத்து தெரிவித்துள்ளது கண்டனத்துக்குரியது. இதற்கு அவா் வருத்தம் தெரிவிக்க வேண்டும்.
தமிழ்நாட்டில் மாணவா்களுக்கு தரமான கல்வியை வழங்கும் வகையில், பள்ளி, கல்லூரிகளில் காலியாகவுள்ள ஆசிரியா் பணியிடங்களை முழுமையாக நிரப்ப வேண்டும். குறிப்பாக, தொகுப்பூதியம் மற்றும் மதிப்பூதியத்தில் பணியாற்றும், ஏற்கெனவே டெட் தோ்வில் வென்றிருக்கக் கூடியவா்களுக்கு பணி வாய்ப்பை அரசு வழங்க வேண்டும் என்றாா் அவா்.
அப்போது, கட்சியின் மாவட்டச் செயலா் இளங்கோவன் உள்ளிட்ட பலா் உடனிருந்தனா்.
