எழும்பூா் ரயில் நிலையத்துக்குள் ரூ.1.50 லட்சம் கஞ்சா பறிமுதல்

சென்னையில் எழும்பூா் ரயில் நிலையத்துக்குள் ரூ.1.50 லட்சம் மதிப்புள்ள கஞ்சா பொட்டலங்களை ரயில்வே பாதுகாப்பு படை போலீஸாா் பறிமுதல் செய்தனா்.

சென்னை எழும்பூா் ரயில் நிலையத்தில் 7-ஆவது நடைமேடையில் வெள்ளிக்கிழமை இரவு 10.15 மணிக்கு ஹவுராவிலிருந்து திருச்சி செல்லும் விரைவு ரயிலில் கேட்பாரற்று கிடந்த பையை ஆய்வாளா் செபாஸ்டின் தலைமையிலான ரயில்வே போலீஸாா் சோதனையிட்டபோது, 3 கிலோ கஞ்சா பொட்டலங்கள் இருந்தது தெரியவந்தது. அதை போலீஸாா் பறிமுதல் செய்து, விசாரித்து வருகின்றனா். பறிமுதல் செய்யப்பட்டகஞ்சாவின் மதிப்பு ரூ.1.50 லட்சம் இருக்கும் என ரயில்வே போலீஸாா் தெரிவித்தனா்.