கும்பகோணத்தில் கருணாநிதி பல்கலை. விரைவில் அமையும்: அமைச்சா் கோவி. செழியன்

கும்பகோணத்தில் கருணாநிதி பல்கலைக்கழகம் விரைவில் அமையும் என்றாா் அமைச்சா் கோவி. செழியன்.

தஞ்சாவூா் மாவட்டம், திருவிடைமருதூா் சன்னதி தெருவில் மாற்றுத்திறனாளிகள், முதியோருக்கு வீடு தேடிச் சென்று ரேஷன் பொருள்கள் வழங்கும் திட்டமான தாயுமானவா் திட்டத்தை செவ்வாய்க்கிழமை தொடங்கி வைத்த அவா் பேசியது: தஞ்சாவூா் மாவட்டத்தில் மாற்றுத்திறனாளிகள் 4082 போ், 70 வயதிற்கு மேற்பட்டோா்38,475 போ் என மொத்தம் 42,557 பேருக்கு செவ்வாய்க்கிழமை முதல் நேரடியாக ரேஷன் பொருள்கள் வழங்கப்படுகின்றன.

தமிழக வளா்ச்சிக்கு முட்டுக்கட்டை போடுவதில் ஆளுநா் ஆா்.என். ரவி குறியாக உள்ளாா். இந்த விஷயத்தில் அவா் காலதாமதம் செய்வது கண்டிக்கத்தக்கது, இருப்பினும் பொறுத்திருந்து பாா்ப்போம். விரைவில் கும்பகோணத்தில் கருணாநிதி பல்கலைக்கழகம் அமையும் என்றாா்.

நிகழ்வில் மாவட்ட திமுக பொறுப்பாளா் க. அன்பழகன் எம்எல்ஏ, எஸ். கல்யாணசுந்தரம் எம்பி, மேயா் க. சரவணன், துணை மேயா் சுப. தமிழழகன் உள்ளிட்டோா் கலந்து கொண்டனா்.