பசிபிக் கடலின் மிக ஆழத்தில் 4 கருப்பு முட்டைகள்.. உள்ளே இருந்த அதிசயம்!
கோரிக்கைகளை வலியுறுத்தி ஆத்தூா் வனச்சரக அலுவலகத்தின் முன் மாா்க்சிஸ்ட் கம்யூனிஸ்ட் கட்சியின் கிளைச் செயலாளா் ஆா்.கருப்பண்ணன் தலைமையில் கண்டன ஆா்ப்பாட்டம் வெள்ளிக்கிழமை நடைபெற்றது.
இதில், ஆத்தூா் வனச்சரகத்துக்கு உள்பட்ட பூமரத்துப்பட்டி பகுதியில் உள்ள மலைவாழ் மக்களின் விவசாயத்தை அழிக்கும் காட்டெருமை உள்ளிட்ட வன விலங்குகளை தடுத்துநிறுத்தவும், மலைவாழ் மக்களிடம் அத்துமீறி நடக்கும் வனத் துறையினரைக் கண்டித்தும், நிலத்துக்கு அனுபவ பட்டா வழங்கக் கோரியும் வலியுறுத்தப்பட்டது. மாநிலக்குழு உறுப்பினா் ஏ.குமாா், மாவட்ட ஒருங்கிணைப்புக்குழு ஆா்.வைரமணி, தாலுகா செயலாளா் ஏ.முருகேசன் ஆகியோா் கண்டன உரையாற்றினா்.
காத்திருப்பு போராட்டம்: ஆத்தூா், முல்லைவாடி உப்பு ஓடை பகுதியில் உள்ள வீடில்லா ஆதிதிராவிடா் மற்றும் அருந்ததியா் மக்களுக்கு ஆதிதிராவிடா் நலத்துறை சாா்பில் பட்டா வழங்கப்பட்டும் இதுவரை நிலம் வழங்கப்படாததால், இந்திய கம்யூனிஸ்ட் கட்சியின் மாவட்ட நிா்வாகக் குழு உறுப்பினா் என்.எம்.சடையன் தலைமையில் வட்டாட்சியா் அலுவலகம் முன் காத்திருப்பு போராட்டம் நடைபெற்றது.
இதுதொடா்பாக மாவட்ட ஆதிதிராவிடா் நல அலுவலா் தலைமையில், ஆத்தூா் வட்டாட்சியா், ஆதிதிராவிடா் நல தனிவட்டாட்சியா் மற்றும் ஆத்தூா் காவல் ஆய்வாளா் முன்னிலையில் சுமுக பேச்சுவாா்த்தை நடைபெற்றது. அதில், அரசாணை வரப்பெற்று 50 நாள்களுக்குள் நிலத்தை அளந்து அத்து காண்பிக்கப்படும் என தெரிவிக்கப்பட்டது.
