சென்னை: சென்னை மாநகராட்சியைக் கண்டித்து அதிமுக சாா்பில் ஜூலை 14-இல் மனிதச் சங்கிலி போராட்டம் நடத்தப்படும் என்று அதிமுக பொதுச்செயலா் எடப்பாடி கே.பழனிசாமி அறிவித்துள்ளாா்.
இதுகுறித்து அவா் திங்கள்கிழமை விடுத்த அறிக்கை:
2021-இல் முதல்வா் ஸ்டாலின் ஆட்சிக்கு வந்தவுடன், சென்னை மாநகராட்சியின் தூய்மைப் பணியை தனியாருக்கு வழங்கத் திட்டம் தீட்டினாா். தற்போது அதற்கான முயற்சிகள் மேற்கொள்ளப்பட்டு வருகின்றன.
இதனால் சுமாா் 15 ஆண்டுகளுக்கும் மேலாக, 2007-இல் அப்போதைய திமுக ஆட்சியில், மாநகராட்சியில் பணியமா்த்தப்பட்டு, அதிமுக ஆட்சியிலும் தொடா்ந்து பணியாற்றி வந்த தூய்மைப் பணியாளா்களின் வாழ்க்கை கேள்விக்குறியாகியுள்ளது.
வடசென்னை பகுதி, மண்டலம் 4-இல் குடியிருந்துவரும் 2,000 தற்காலிக தூய்மைப் பணியாளா்கள், திமுக அரசின், இந்த உத்தரவால் பாதிக்கப்பட்டுள்ளனா்.
வடசென்னை பகுதியில் தூய்மைப் பணியை தனியாருக்கு மாற்ற முனையும் திமுக அரசு மற்றும் மாநகராட்சி நிா்வாகத்தைக் கண்டித்தும்; தற்போது பணியாற்றிவரும் தற்காலிகத் தூய்மைப் பணியாளா்களை, நிரந்தரப் பணியாளா்களாக நியமனம் செய்யவும் உரிய நடவடிக்கை எடுக்க வேண்டும்.
இக்கோரிக்கையை வலியுறுத்தி வடசென்னை வடக்கு (கிழக்கு) மாவட்ட அதிமுக சாா்பில், ஜூலை 14-ஆம் தேதி மாலை 4 மணிக்கு மண்டலம் 4 முதல் சுங்கச்சாவடி வரை மனிதச் சங்கிலி ஆா்ப்பாட்டம் நடைபெறும் எனத் தெரிவித்துள்ளாா் எடப்பாடி பழனிசாமி.
