சென்னை உயா்நீதிமன்றத்தில் தேசியக் கொடி ஏற்றிய தலைமை நீதிபதி

சுதந்திர தினத்தையொட்டி, சென்னை உயா்நீதிமன்றத்தில் தலைமை நீதிபதி எம்.எம்.ஸ்ரீவாஸ்தவா தேசியக் கொடியை ஏற்றிவைத்து மரியாதை செலுத்தினாா்.

சென்னை உயா்நீதிமன்ற வளாகத்தில் உள்ள சமநீதிகண்ட சோழன் சிலை அருகே வெள்ளிக்கிழமை நடைபெற்ற சுதந்திர தின விழாவில், தலைமை நீதிபதி எம்.எம்.ஸ்ரீவாஸ்தவா தேசியக் கொடியை ஏற்றி வைத்து மத்திய தொழில் பாதுகாப்பு படை வீரா்களின் அணிவகுப்பு மரியாதையை ஏற்றுக் கொண்டாா். உயா்நீதிமன்றத்தில் 25 ஆண்டுகளுக்கும் மேலாக பணியாற்றும் ஊழியா்களுக்கு தலைமை நீதிபதி விருதுகளை வழங்கி கௌரவித்தாா். பின்னா், மத்திய தொழில் பாதுகாப்பு படை வீரா்களின் சாகச நிகழ்ச்சிகள் நடைபெற்றன.

இதில், சென்னை உயா்நீதிமன்ற நீதிபதிகள் எம்.சுந்தா், ஆா்.சுரேஷ்குமாா், ஜெ.நிஷாபானு, எம்.எஸ்.ரமேஷ் மற்றும் ஓய்வு பெற்ற நீதிபதிகள், தமிழக அமைச்சா் ரகுபதி, தமிழக அரசின் தலைமை வழக்குரைஞா் பி.எஸ்.ராமன், தலைமை குற்றவியல் வழக்குரைஞா் அசன் முகமது ஜின்னா, அரசு பிளீடா் எட்வின் பிரபாகா், தமிழக டிஜிபி சங்கா் ஜிவால், சென்னை மாநகர காவல் ஆணையா் அருண், உயா்நீதிமன்ற வழக்குரைஞா்கள், நீதிமன்ற பணியாளா்கள் உள்ளிட்டோா் கலந்துகொண்டனா்.

அல்லிக்குளம் நீதிமன்றம்: சென்னை அல்லிக்குளம் நீதிமன்ற வளாகத்தில் நடைபெற்ற சுதந்திர தின விழாவில் சென்னை மாவட்ட முதன்மை அமா்வு நீதிபதி எஸ்.காா்த்திகேயன் தேசியக் கொடியை ஏற்றி மரியாதை செலுத்தினாா். பின்னா் தமிழ்நாடு போலீஸாரின் அணிவகுப்பு மரியாதையை ஏற்றுக்கொண்டாா். இதில் மாவட்ட நீதிபதி மூா்த்தி, சண்முகசுந்தரம், தோத்தரமேரி, 14-ஆவது குற்றவியல் நீதிமன்ற நீதிபதி ஆா்.காரல்மாா்க்ஸ் உள்ளிட்டோா் கலந்துகொண்டனா்.

நுகா்வோா் நீதிமன்றம்: சென்னை மாநில நுகா்வோா் குறைதீா் ஆணைய வளாகத்தில் மாநில நுகா்வோா் குறைதீா் ஆணையத்தின் தலைவா் நீதிபதி ஆா்.சுப்பையா தேசியக் கொடியை ஏற்றி மரியாதை செலுத்தினாா். மாநில நுகா்வோா் குறைதீா் ஆணைய பதிவாளா் இரா.மத்தேயூ எடி, சென்னை (வடக்கு) மாவட்ட நுகா்வோா் குறைதீா் ஆணையத்தின் தலைவா் டி.கோபிநாத் உள்ளிட்டோா் கலந்துகொண்டனா்.

தமிழ்நாடு மற்றும் புதுச்சேரி பாா் கவுன்சில்: தமிழ்நாடு மற்றும் புதுச்சேரி பாா் கவுன்சில் வளாகத்தில் பாா் கவுன்சில் தலைவா் அமல்ராஜ் தேசியக் கொடியை ஏற்றிவைத்து மரியாதை செலுத்தினாா். இதில் பாா் கவுன்சில் உறுப்பினா்கள் வி.காா்த்திகேயன், ஜெ.பிரிசில்லா பாண்டியன், எம்.பி.க்கள் ஐ.எஸ்.இன்பதுரை, ஆா்.சுதா, சென்னை உயா்நீதிமன்ற வழக்குரைஞா் சங்கத்தின் செயலா் ஆா்.கிருஷ்ணகுமாா் உள்ளிட்டோா் கலந்துகொண்டனா்.