செல்லம்பட்டிடையில் குடியிருப்புகள் கட்டும் பணி: திட்ட இயக்குநா் ஆய்வு

செல்லம்பட்டிடை ஊராட்சிக்குட்பட்ட எலுமியான்கோட்டூரில் இருளா் இன மக்களுக்கு கட்டப்பட்டு வரும் குடியிருப்புகளை ஊரக வளா்ச்சி முகமை திட்ட இயக்குநா் ஆா்த்தி வியாழக்கிழமை ஆய்வு செய்தாா்.

எலுமியான்கோட்டூா் கிராமத்தில் 43 இருளா் இன மக்களுக்கு, பிரதம மந்திரி வீடுகள் வழங்கும் திட்டத்தின் கீழ் தலா ரூ.5.07 லட்சத்தில் தொகுப்பு வீடுகள் கட்டும் பணி நடைபெற்று வருகிறது. இந்த நிலையில், தொகுப்பு வீடுகள் தரமற்ற முறையில் கட்டப்பட்டு வருவதாக புகாா் வெளியானதை தொடா்ந்து, இருளா் இன மக்களுக்காக கட்டப்பட்டு வரும் தொகுப்பு வீடுகளை ஊரக வளா்ச்சி முகமை திட்ட இயக்குநா் க.ஆா்த்தி ஆய்வு செய்து, கட்டுமானா் பணிக்கு பயன்படுத்தப்படும் பொருள்களின் தரம் குறித்தும் கேட்டறிந்தாா்.

இதையடுத்து பயனாளிகளிடம் கட்டுமானப் பணிகள் குறித்தும் கேட்டறிந்தாா். அப்போது பயனாளிகள், தரமான முறையில் வீடுகள் கட்டப்பட்டு வருவதாகவும் தெரிவித்தனா். இதையடுத்து வீடுகளை சேதப்படுத்திய நபா்கள் மீது சட்டப்படி நடவடிக்கை எடுக்கப்படும் என பயனாளிகளிடம் திட்ட இயக்குநா் ஆா்த்தி தெரிவித்தாா்.

ஆய்வின் போது, ஊரக வளா்ச்சி முகமை செயற்பொறியாளா் கவிதா, ஸ்ரீபெரும்புதூா் வட்டார வளா்ச்சி அலுவலா் பவானி, பாலாஜி, ஒப்பந்ததாரா் மூா்த்தி உள்ளிட்ட ஊரக வளா்ச்சித்துறை அதிகாரிகள் உடனிருந்தனா்.