தோ்தல் ஆணையம் முறைகேட்டில் ஈடுபட்டதாகக் கூறி தஞ்சாவூரில் காங்கிரஸ் கட்சியினா் மெழுகுவா்த்தி ஏந்தி வியாழக்கிழமை மாலை ஆா்ப்பாட்டத்தில் ஈடுபட்டனா்.
தோ்தல் ஆணையம் மீதான வாக்கு திருட்டு குற்றச்சாட்டுகளையும், பாஜக அரசின் சூழ்ச்சிகளையும் காங்கிரஸ் நிா்வாகி ராகுல்காந்தி வெளிப்படுத்தியுள்ளதை மக்கள் மத்தியில் வெளிப்படுத்தும் விதமாக தஞ்சாவூா் கீழவாசல் காமராஜா் சிலை முன்பு மாநகர மாவட்ட காங்கிரஸ் கமிட்டியினா் வியாழக்கிழமை மாலை மெழுகுவா்த்தி ஏந்தி ஆா்ப்பாட்டத்தில் ஈடுபட்டனா். இதில், தோ்தல் ஆணையத்தையும், மத்திய அரசையும் கண்டித்து முழக்கங்கள் எழுப்பப்பட்டன. பின்னா், முழக்கங்கள் எழுப்பியவாறு ஊா்வலமாக வெள்ளை பிள்ளையாா் கோயில் வரை சென்றனா்.
இந்த ஆா்ப்பாட்டத்துக்கு மாநகர மாவட்ட காங்கிரஸ் தலைவா் பி.ஜி. ராஜேந்திரன் தலைமை வகித்தாா். மாநிலப் பொதுக் குழு உறுப்பினா்கள் ஏ. ஜேம்ஸ், வயலூா் எஸ். ராமநாதன், மாநகர மாவட்டத் துணைத் தலைவா் ஜி. லட்சுமி நாராயணன், வழக்குரைஞா் பிரிவு மாவட்டத் தலைவா் ஏ. ஜான்சன், தகவலறியும் உரிமைச் சட்டப் பிரிவு மாவட்டத் தலைவா் செல்வம், முன்னாள் நகா் மன்ற உறுப்பினா் சாந்தா ராமதாஸ், டி.பி.எம். ராஜூ உள்ளிட்டோா் கலந்து கொண்டனா்.
