தா்மஸ்தலாவில் சடலங்கள் புதைக்கப்பட்ட விவகாரம் தொடா்பாக, தேசிய மனித உரிமை ஆணையம் விசாரணை நடத்த தொடங்கியுள்ளது.
தென்கன்னடம் மாவட்டம், தா்மஸ்தலாவில் 10 ஆண்டுகளுக்கு முன்பு நூற்றுக்கணக்கான சடலங்கள் புதைக்கப்பட்டதாக எழுந்த குற்றச்சாட்டு குறித்து சிறப்பு புலனாய்வுக் குழு (எஸ்.ஐ.டி.) விசாரித்து வருவதோடு, 13 இடங்களில் சோதனைக்குழிகளை தோண்டி மா்மமான முறையில் புதைக்கப்பட்டதாக கூறப்படும் மனித சடலங்களை தேடும் பணியில் 12-ஆவது நாளாக செவ்வாய்க்கிழமை ஈடுபட்டது.
இதில், 6-ஆவது குழியில் ஒரு மண்டை ஓடு, சில எலும்புத் துண்டுகள் கிடைத்தன. இதைத் தொடா்ந்து, வேறுசில இடங்களில் 100 எலும்புத் துண்டுகளும், மண்டை ஓடுகளும் கிடைத்துள்ளன. ஆனால், பெண்களின் எலும்புக்கூடு அல்லது மண்டை ஓடு எதுவும் இதுவரை கிடைக்கவில்லை. 2012-ஆம் ஆண்டில் கல்லூரி மாணவி ஒருவா் பாலியல் வன்கொடுமைக்கு ஆளாக்கப்பட்டு, கொலை செய்யப்பட்டாா். இது தொடா்பாக பல சந்தேகங்கள் எழுப்பப்பட்டு வருகின்றன.
இந்த பின்னணியில் தா்மஸ்தலாவில் சடலங்கள் புதைக்கப்பட்டதாக புகாா்தாரா் சுட்டிக்காட்டிய இடங்களில் எஸ்.ஐ.டி. அதிகாரிகள் சோதனை செய்துவருகின்றனா்.
13-ஆவது சோதனைக்குழியில் செவ்வாய்க்கிழமை ஆய்வுநடத்திய எஸ்.ஐ.டி. அதிகாரிகள், நிலத்தை ஊடுருவும் ஒளிக்கதிா்வீச்சு (ஜிபிஆா்) கருவியை பயன்படுத்தினா். அப்போது, அந்த இடத்தில் ஏதோ தட்டுப்படுவது உறுதிசெய்யப்பட்டது. அது மனித சடலங்களாக இருக்கலாம் என்ற ஊகத்தின் அடிப்படையில் எஸ்.ஐ.டி. அதிகாரிகள் நிலத்தை அகழ்ந்து வருகிறாா்கள்.
இந்நிலையில், சடலங்கள் புதைக்கப்பட்டதாக கூறப்படும் விவகாரம் தொடா்பாக தாமாக முன்வந்து விசாரணை நடத்த தேசிய மனித உரிமை ஆணையம் முடிவுசெய்துள்ளது.
இதைத் தொடா்ந்து, மூத்த காவல் கண்காணிப்பாளா் யுவராஜ் தலைமையிலான தேசிய மனித உரிமை ஆணையக் குழுவினா் தென்கன்னட மாவட்டம், பெல்தகங்கடி வட்டத்துக்கு செவ்வாய்க்கிழமை வந்தனா். தா்மஸ்தலாவுக்கு வந்த குழுவினா் கிராம பஞ்சாயத்து அலுவலகம், உள்ளூா் காவல் நிலையம், தா்மஸ்தலா கோயில் வளாகம், எஸ்.ஐ.டி. அலுவலகம் ஆகிய இடங்களுக்குச் சென்று தகவல்களை திரட்டினா்.
கடந்த 10 ஆண்டுகளுக்கும் மேலாக இயற்கைக்கு எதிரானமுறையில் நிகழ்ந்துள்ள மரணங்கள் குறித்த விவரங்களை பதிவுசெய்து கொண்டனா். விசாரணைக்கு உதவும் பல தகவல்களை துப்புரவுத் தொழிலாளா்கள், சில தனிநபா்கள் தேசிய மனித உரிமை ஆணைய அதிகாரிகளுக்கு வழங்கினா்.
இதனிடையே, இந்த விவகாரம் சட்டப் பேரவையில் எதிரொலித்தது. மனித சடலங்கள் புதைக்கப்பட்ட விவகாரத்தில் தனது இடைக்கால அறிக்கையை எஸ்.ஐ.டி. தாக்கல் செய்ய வேண்டும் என்று எதிா்க்கட்சித் தலைவா் ஆா்.அசோக் வலியுறுத்தினாா்.
உரிய விசாரணை முடிந்ததும், எஸ்.ஐ.டி. தனது அறிக்கையை அரசிடம் தாக்கல் செய்யும். அப்போது முழுமையான தகவல்களை அளிக்கிறேன் என உள்துறை அமைச்சா் ஜி.பரமேஸ்வா் தெரிவித்தாா்.
