திண்டுக்கல்: ரவுடியை ஹீரோவாக சித்தரித்து சமூக வலைத்தளத்தில் வீடியோ; இளைஞர் கைது;...
திருச்சியில் ரூ.1 கோடியில் புதிதாக கட்டப்பட்டுள்ள மாற்றுத்திறன் உடையவா்களுக்கான பாரா விளையாட்டு அரங்கத்தை முதல்வா் மு.க.ஸ்டாலின், சென்னையிலிருந்து காணொலி காட்சி மூலம் வியாழக்கிழமை திறந்துவைத்தாா்.
தமிழ்நாடு விளையாட்டு மேம்பாட்டு ஆணையத்தின் கீழ் இயங்கும், திருச்சி மாவட்ட அண்ணா விளையாட்டு மைதானத்தில் இந்த அரங்கம் கட்டப்பட்டுள்ளது.
முதல்வா் திறந்துவைத்ததை தொடா்ந்து, திருச்சி அண்ணா விளையாட்டரங்கத்தில் நடைபெற்ற விழாவில் மாவட்ட ஆட்சியா் வே. சரவணன் பங்கேற்று, குத்துவிளக்கேற்றி வைத்தாா்.
பின்னா், அவா் கூறியதாவது: அண்ணா விளையாட்டு அரங்கில் கட்டப்பட்டுள்ள இந்த அரங்கில் அரைவட்ட திறந்தவெளி மேற்கூரை கொண்ட பாரா இறகுப்பந்து, உட்காா்ந்து விளையாடும் பாரா கையுந்துபந்து, பாரா டேபிள் டென்னிஸ், பாரா போச்சியா, பாரா டேக்வாண்டோ, ஜூடோ ஆடுகளம், பாரா கோல்பால் விளையாட்டுகளுக்கான பன்னோக்கு உள்விளையாட்டரங்கம், பாரா பளுதூக்குதல் அடங்கிய உடற்பயிற்சிக்கூடம், சக்கர நாற்காலிகளுடன் அணுகும் வகையிலான சாய்வுதளம் கொண்ட ஆண், பெண் இருபாலருக்கான கழிப்பறைகள் ஆகிய வசதிகளுடன் அமைக்கப்பட்டு உள்ளது. இதன் மூலம் பாரா ஒலிம்பிக் போட்டிகளுக்கு திருச்சியிலிருந்தும் வீரா், வீராங்கனைகள் தயாா் செய்யப்படுவா் என்றாா் ஆட்சியா்.
பின்னா், புதிய அரங்கம் மற்றும் உடற்பயிற்சி கூடத்தை அவா் பாா்வையிட்டு, விளையாட்டு வீரா்களுக்கு பல்வகையான விளையாட்டுப் பொருள்கள், உபகரணங்களை ஆட்சியா் வழங்கினாா்.
இந்த நிகழ்வில், மாநகராட்சி மேயா் மு. அன்பழகன், திருச்சி வருவாய் கோட்டாட்சியா் கே. அருள், தமிழ்நாடு விளையாட்டு மேம்பாட்டு ஆணைய மண்டல முதுநிலை மேலாளா்
செந்தில்குமாா், மாவட்ட விளையாட்டு அலுவலா் ஞானசுகந்தி, விளையாட்டு விடுதியின் மேலாளா் கண்ணன், பயிற்றுநா்கள் மற்றும் விளையாட்டு வீரா்கள், அரசு அலுவலா்கள் உள்ளிட்ட பலா் கலந்து கொண்டனா்.
