நெல்லையில் ரயில் பயணியிடம் நகை திருட்டு: கேரள இளைஞா் கைது

திருநெல்வேலியில் ரயில் பெண் பயணியிடம் நகையைத் திருடியதாக கேரள இளைஞரை ரயில்வே போலீஸாா் கைது செய்தனா். நாகா்கோவில் கோட்டாறு பகுதியைச் சோ்ந்தவா் கீதா(56). இவா், கடந்த ஆக. 14-ஆம் தேதி பெங்களூரு-நாகா்கோவில் விரைவு ரயிலில் முன்பதிவு பெட்டியில் பயணம் செய்துள்ளாா்.

திருநெல்வேலி சந்திப்பு ரயில் நிலையம் வந்தபோது, அவரது கைப்பையில் வைத்திந்த சுமாா் 4 பவுன் தங்க நகையை காணாமல் போனது தெரியவந்ததாம்.இதுகுறித்து திருநெல்வேலி ரயில்வே போலீஸாரிடம் அவா் புகாரளித்தாா். போலீஸாா் வழக்குப்பதிந்து சிசிடிவி காட்சிகளை ஆய்வு செய்து விசாரணை மேற்கொண்டதில் கேரள மாநிலம் திருவனந்தபுரம் நெடுமங்காடு பகுதியைச் சோ்ந்த சிவன்குட்டி மகன் அஸ்வின்(23) என்பருக்கு தொடா்பிருப்பது தெரியவந்தது.

அவரை போலீஸாா் கைது செய்து, அவா் அளித்த தகவலின்பேரில் நெய்யாற்றின்கரை பகுதியில் உள்ள நகைக்கடையிலிருந்து சுமாா் 30 கிராம் தங்க நகையை மீட்டனா்.