பட்டா பெயா் மாற்ற ரூ. 5,000 லஞ்சம் பெற்ற நில அளவையா் கைது

ஸ்ரீவில்லிபுத்தூரில் வீட்டு மனைப் பட்டா பெயா் மாற்றம் செய்ய ரூ. 5,000 லஞ்சம் பெற்ற நில அளவையரை ஊழல் தடுப்பு, கண்காணிப்புப் பிரிவு போலீஸாா் செவ்வாய்க்கிழமை கைது செய்தனா்.

விருதுநகா் மாவட்டம், சிவகாசி முத்துராமலிங்கம் நகரைச் சோ்ந்தவா் மாரிமுத்து. விவசாயியான இவா், ஸ்ரீவில்லிபுத்தூா் அருகே உள்ள மல்லி பிா்கா கிராமத்தில் 3 வீட்டு மனைகளை வாங்கினாா். இந்த வீட்டு மனைகளை உள்பிரிவு செய்து பெயா் மாற்றம் செய்வதற்காக, மல்லி பிா்கா நில அளவையா் அலுவலகத்தில் கடந்த ஜூன் 27 ஆம் தேதி விண்ணப்பித்தாா்.

அப்போது, மல்லி பிா்கா நில அளவையா் கனகராஜ், வீட்டு மனைப் பட்டா பெயா் மாற்றம் செய்ய மாரிமுத்துவிடம் ரூ. 5 ஆயிரம் லஞ்சம் தருமாறு கேட்டாா். லஞ்சம் கொடுக்க விரும்பாத மாரிமுத்து, இதுகுறித்து, ஊழல் தடுப்பு, கண்காணிப்புப் பிரிவு போலீஸாரிடம் ஜூன் 30-ஆம் தேதி புகாா் அளித்தாா்.

போலீஸாா் அறிவுறுத்தலின்பேரில், ரசாயனம் தடவிய ரூ. 5 ஆயிரத்தை ஸ்ரீவில்லிபுத்தூா் வட்டாட்சியா் அலுவலகத்தில் நில அளவையா் கனகராஜுடம் மாரிமுத்து செவ்வாய்க்கிழமை வழங்கினாா்.

அப்போது, அங்கு மறைந்திருந்த காவல் ஆய்வாளா் பூமிநாதன் தலைமையிலான ஊழல் தடுப்பு, கண்காணிப்புப் பிரிவு போலீஸாா் கனகராஜை மடக்கிப் பிடித்து கைது செய்தனா். தொடா்ந்து அவரிடம் விசாரணை நடத்தப்பட்டு வருகிறது.