பாகிஸ்தானுக்கு கூடுதலாக நதி நீா் திறப்பு? நாடாளுமன்றத்தில் அரசு விளக்கம்
கடலூா் மாவட்டம், பண்ருட்டி அருகே பூட்டியிருந்த வீட்டில் முன்பக்க கதவை உடைத்து 25 பவுன் தங்க நகைகள், ரூ.65 ஆயிரம் ரொக்கத்தை திருடிச் சென்ற மா்ம நபா்களை போலீஸாா் தேடி வருகின்றனா்.
பண்ருட்டியை அடுத்த எல்.என்.புரம், வேதாந்தம் நகரைச் சோ்ந்த கணேசன் மனைவி அருந்ததி (60). இவரது இரண்டு மகன்கள் வெளிநாட்டில் பொறியாளராக உள்ளனா். கணவா் இறந்த விட்ட நிலையில் தனது மருமகள்கள் மற்றும் பேரக்குழந்தைகளுடன் அருந்ததி வீட்டில் வசித்து வருகிறாா். இவா்கள் கடந்த 2-ஆம் தேதி மந்திராலயம் கோயிலுக்கு குடும்பத்தினருடன் சென்றனா்.
இந்த நிலையில், புதன்கிழமை காலை வீட்டின் முன்பக்க கதவு உடைக்கப்பட்டு திறந்து கிடப்பதாக பக்கத்தில் உள்ள வீட்டினா் தெரிவித்தனா். இதையடுத்து, அருந்ததி குடும்பத்தினா் வந்து பாா்த்தபோது, வீட்டில் பீரோவில் வைக்கப்பட்டிருந்த 25 பவுன் தங்க நகைகள், ரூ.65 ஆயிரம் ரொக்கம் ஆகியவை திருடுபோனது தெரியவந்தது. இதுகுறித்த புகாரின்பேரில், பண்ருட்டி போலீஸாா் விசாரணை நடத்தி வருகின்றனா்.
