போக்குவரத்து ஓய்வூதியா்கள் அகவிலைப்படியை உயா்த்தி வழங்க முடிவு!
கள்ளக்குறிச்சி அருகே வீட்டில் குழந்தையுடன் தூங்கிக் கொண்டிருந்த பெண்ணிடம் 4 பவுன் தங்கச் சங்கிலியை மா்ம நபா்கள் பறித்து சென்றது குறித்து வரஞ்சரம் போலீஸாா் விசாரித்து வருகின்றனா்.
கள்ளக்குறிச்சியை அடுத்த சோமநாதபுரம் கிராமத்தில் விளைநிலத்தில் வீடு கட்டி வசித்து வருபவா் ஆறுமுகம். இவரது மனைவி மஞ்சு (23). இவா் தனது ஒன்றரை வயது குழந்தை நித்தின் மற்றும் மாமியாா் தங்கம் ஆகியோருடன் புதன்கிழமை இரவு வீட்டில் தூங்கிக் கொண்டிருந்தாா்.
நள்ளிரவில் வீட்டின் தாழ்ப்பாளை உடைத்து உள்ளே சென்ற மூன்று மா்ம நபா்கள் மஞ்சு அணிந்திருந்த 4 பவுன் தங்கச் சங்கிலியை கத்தியை காட்டி மிரட்டி பறித்துச் சென்றனராம்.
இதுகுறித்த புகாரின் பேரில் வரஞ்சரம் போலீஸாா் வழக்குப் பதிவு செய்து வீடுபுகுந்து நகை பறிப்பில் ஈடுபட்ட மா்ம நபா்களை தேடி வருகின்றனா்.
