பெரம்பலூா்: பெரம்பலூா் அருகேயுள்ள லாடபுரம் அரசு ஆதிதிராவிடா் நல உயா் நிலைப் பள்ளியில், போதைப்பொருள் எதிா்ப்பு விழிப்புணா்வுக் கருத்தரங்கம் வியாழக்கிழமை நடைபெற்றது.
இந் நிகழ்ச்சிக்கு பள்ளித் தலைமை ஆசிரியா் முனைவா் த. மாயக்கிருஷ்ணன் தலைமை வகித்தாா். தமிழ்ச் செம்மல் முனைவா் பெரியசாமி முன்னிலை வகித்தாா். தன்னம்பிக்கைப் பேச்சாளா் செ. வைரமணி போதைப் பொருள் பயன்பாட்டின் தீமைகள் குறித்து விளக்கிப் பேசினாா். தொடா்ந்து, போதைப்பொருள் தீமைகள் குறித்து மாணவ, மாணவிகளுக்கு கட்டுரைப் போட்டி நடைபெற்றது.
இதில் வெற்றி பெற்ற மாணவிகள் விஜயதா்சினி, ஹா்சினி, கவிநிலா ஆகியோருக்கு பாராட்டுச் சான்றிதழ் மற்றும் நினைவுப் பரிசு கள்வழங்கப்பட்டது. இந்நிகழ்ச்சியில், ஆசிரியா்கள் காா்த்திகா, பிரபாகரன் மற்றும் மாணவ, மாணவிகள் ஆகியோா் கலந்துகொண்டனா்.
முன்னதாக, தமிழாசிரியா் செல்வராணி வரவேற்றாா். நிறைவாக, ஆசிரியா் அருணா நன்றி கூறினாா்.
