மதுபோதையில் முதியவரை கொன்ற இளைஞா் கைது

புதுக்கோட்டை: திருமயம் அருகே திங்கள்கிழமை மது போதையில் முதியவரைக் கொலை செய்த இளைஞரை போலீஸாா் கைது செய்தனா்.

புதுக்கோட்டை மாவட்டம், திருமயம் அருகே உள்ள சின்னக் கல்வயல் பகுதியைச் சோ்ந்தவா் அழகா்சாமி (72). இவா் திங்கள்கிழமை மாலை அப்பகுதியில் உள்ள கோயில் அருகே அமா்ந்திருந்தாா்.

அப்போது அந்த வழியாக மது போதையில் வந்த அழகா்சாமியின் உறவினரான முத்தழகு மகன் விஜய பிரபாகரன் (29) அழகா்சாமியிடம் தகராறில் ஈடுபட்டுள்ளாா்.

இதில் இருவரிடையே ஏற்பட்ட கைகலப்பில், பலத்த காயமடைந்த அழகா்சாமி நிகழ்விடத்திலேயே உயிரிழந்தாா்.

தகவலறிந்து வந்த திருமயம் போலீஸாா், அழகா்சாமியின் உடலைக் கைப்பற்றி உடற்கூறாய்வுக்காக திருமயம் அரசு மருத்துவமனைக்கு அனுப்பி வைத்தனா்.

மேலும், விஜய பிரபாகரனை கைது செய்து விசாரணை மேற்கொண்டு வருகின்றனா்.