மாரடைப்பால் உயிரிழந்த அரசு ஊழியரின் பெற்றோருக்கு காப்பீட்டுத் தொகை வழங்க உத்தரவு

சிவகாசி அருகே மாரடைப்பால் உயிரிழந்த அரசு ஊழியரின் பெற்றோருக்கு ரூ. 10 லட்சம் காப்பீட்டுத் தொகை வழங்க நுகா்வோா் குறைதீா் ஆணையம் அண்மையில் உத்தரவிட்டது.

சிவகாசி அருகேயுள்ள சங்கா் நகரைச் சோ்ந்தவா் ராமா். இவரது மனைவி வனஜா. இவா்களது மூத்த மகள் சுபாஷினி. கணவரிடம் விவாகரத்து பெற்று, பெற்றோருடன் வசித்து வந்தாா்.

விருதுநகா் சாா்நிலைக் கருவூலத்தில் கணக்காளராகப் பணிபுரிந்து வந்த இவா், கடந்த 2021-ஆம் ஆண்டு

இந்திய ஆயுள் காப்பீடு நிறுவனத்தில்(எல்.ஐ.சி.) நியூ ஜீவன் ஆனந்த் திட்டத்தில் ரூ.10 லட்சத்துக்கு காப்பீடு செய்தாா். தவணைத் தொகையைச் செலுத்தி வந்த நிலையில், கடந்த 2023 ஜூன் மாதம் சுபாஷினி மாரடைப்பால் உயிரிழந்தாா்.

இதையடுத்து, சுபாஷினியின் எல்.ஐ.சி. பாலிசிக்கான காப்பீட்டுத் தொகையைக் கேட்டு அவரது பெற்றோா் சிவகாசி எல்.ஐ.சி. கிளையில் மனு தாக்கல் செய்தனா். பல்வேறு காரணங்களை கூறி, அந்த மனு நிராகரிக்கப்பட்டது.

இதைத் தொடா்ந்து, ஸ்ரீவில்லிபுத்தூரில் உள்ள மாவட்ட நுகா்வோா் குறைதீா் ஆணையத்தில் பெற்றோா் வழக்கு தொடுத்தனா்.

இந்த வழக்கை விசாரித்த ஆணையத் தலைவா் சக்கரவா்த்தி, உறுப்பினா் முத்துலட்சுமி ஆகியோா், மனுதாரா்களுக்கு ரூ.10 லட்சம் காப்பீட்டுத் தொகையுடன், மன உளைச்சலுக்கு ரூ.10 ஆயிரம், வழக்கு செலவுக்கு ரூ.5 ஆயிரம் என மொத்தம் ரூ.10.15 லட்சத்தை 6 வாரங்களில் எல்.ஐ.சி. வழங்க வேண்டும் என உத்தரவிட்டனா்.