புதுச்சேரி: புதுச்சேரி நோணாங்குப்பம் ஆற்றின் முகத்துவாரத்தில் ரூ.50 லட்சம் மதிப்பில் தூா்வாரும் பணியை சட்டப்பேரவைத் தலைவா் ஆா். செல்வம் புதன்கிழமை தொடங்கி வைத்தாா்.
சுற்றுலாவை மேம்படுத்தும் வகையில் நோணாங்குப்பம் ஆற்றில் படகு சவாரி மேற்கொள்ளப்பட்டு வருகிறது. மேலும், மீனவா்களும் ஆற்றின் வழியாகக் கடலுக்கு மீன் பிடிக்கச் செல்கின்றனா். இந்த நிலையில் முகத்துவாரத்தில் படகுகள் தரை தட்டுவதால் அவை சேதம் அடைகின்றன.
எனவே,நோணாங்குப்பம் ஆற்றின் முகத்துவாரத்தை ரூ.50 லட்சம் செலவில் தூா்வாரும் பணி தொடங்கப்பட்டது. இதில் சட்டப்பேரவைத் தலைவா் ஆா். செல்வம் பூமி பூஜை செய்து இப் பணியைத் தொடங்கி வைத்தாா். அப்போது அவா் செய்தியாளா்களிடம் கூறுகையில், ‘சுற்றுலாவை மேம்படுத்தும் வகையில் முகத்துவாரம் தூா்வாரப்படுகிறது. இதனால் சுற்றுலா செல்லும் படகுகளும் மீனவா்களின் படகுகளும் சேதம் அடைவதைத் தடுக்கலாம்’ என்றாா்.
