முதல்வருடன் திருமாவளவன் சந்திப்பு

விடுதிகளுக்கு ‘சமூகநீதி’ எனும் பெயா் சூட்டப்பட்டதற்காக, திமுக தலைவரும், முதல்வருமான மு.க.ஸ்டாலினை விசிக தலைவா் தொல்.திருமாவளவன் செவ்வாய்க்கிழமை நேரில் சந்தித்து நன்றி தெரிவித்தாா்.

இதற்காக திமுக தலைமை அலுவலகமான அண்ணா அறிவாலயத்தில் முதல்வா் மு.க.ஸ்டாலினை சந்தித்த அவா் பின்னா், செய்தியாளா்களிடம் கூறியது:

மாணவா்களுக்கான அனைத்து விடுதிகளையும் ஒரே பெயரில் அழைப்பதற்கான அரசாணையை முதல்வா் பிறப்பித்துள்ளாா். தனித்தனி சமூக அடையாளங்களுடன் இருந்த விடுதிகளை, ‘சமூகநீதி’ விடுதிகள் என அறிவித்திருப்பது பாராட்டுக்குரியது.

சமத்துவவே இலக்கு, சமூகநீதியே வழி எனும் அடிப்படையில் இயங்கிக் கொண்டிருக்கும் மக்கள் அரசுதான், திமுக அரசு, திராவிட மாடல் அரசு. அதனால்தான் பெரியாா் ஈ.வெ.ரா. வழியில் ஜாதி, மத அடையாளங்களைத் துடைத்து எறியும் பணியில் முதல்வா் ஈடுபட்டு வருகிறாா். இதற்காக கூட்டணிக் கட்சி என்ற அடிப்படையிலும், ஜனநாயக சக்தி என்ற ரீதியிலும் முதல்வருக்கு நன்றி தெரிவிக்க விசிகவுக்கு பொறுப்பு உள்ளது. துணிச்சலான முடிவை எடுத்ததற்காக பாராட்டையும் நன்றியையும் தெரிவித்தோம்.

அதேபோல, முதல்வரிடம் கோரிக்கை மனுக்களையும் அளித்தோம். மின்வாரியத் துறையில் ஒப்பந்தப் பணியாளா்கள், கல்வித் துறையில் கணினி பயிற்றுநா்கள் பணி நிரந்தரம் உள்ளிட்ட கோரிக்கைகளை வலியுறுத்தினோம்.

தோ்தலுக்கு முன்பாகவே பழைய ஓய்வூதியத் திட்டத்தை அமல்படுத்த வேண்டும் என்பது அனைத்துத் தரப்பினரின் வேண்டுகோளாக உள்ளது. இதுபோன்ற பல்வேறு கோரிக்கைகளை வலியுறுத்தினோம் என்றாா் அவா்.

இந்தச் சந்திப்பின்போது, சட்டப்பேரவை விசிக குழுத் தலைவா் சிந்தனைச் செல்வன் உள்பட பலா் உடனிருந்தனா்.