லாரி ஓட்டுநரை தாக்கி பணம் பறித்த இளைஞா் கைது

வரதராஜபுரம் சுங்க சாவடியில் லாரி கண்ணாடியை உடைத்து, ஓட்டுநரைத் தாக்கி பணம் பறித்த இளைஞரை சோமங்கலம் போலீஸாா் கைது செய்து சிறையில் அடைத்தனா்.

மதுரையைச் சோ்ந்தவா் அசோக்குமாா் (40). லாரி ஓட்டுநா். இவா், கடந்த 9 -ஆம் தேதி ஆந்திர மாநிலம் நெல்லூரில் இருந்து பாமாயில் ஏற்றிக்கொண்டு மீஞ்சூா் - வண்டலூா் வெளிவட்டச் சாலையில் பூந்தமல்லி அருகே வந்தபோது காரில் வந்த இளைஞா் அசோக்குமாரின் லாரியை மறித்து தகராறு செய்துள்ளாா்.

ஆனால், அசோக்குமாா் லாரியை நிறுத்தாமல் வந்துள்ளாா். லாரி வரதராஜபுரம் சுங்கசாவடி அருகே வந்தபோது காரில் வந்த இளைஞா்கள் இருவா் லாரியின் கண்ணாடியை உடைத்து, அசோக்குமாரை தாக்கி அவரிடமிருந்த ரூ.10 ஆயிரம் பணத்தைப் பறித்து சென்றுள்ளனா்.

இது குறித்து அசோக்குமாா் சோமங்கலம் காவல் நிலையத்தில் அளித்த புகாரின் பேரில், சோமங்கலம் போலீஸாா் வழக்குப் பதிவு செய்து அசோக்குமாரைத் தாக்கி பணத்தைப் பறித்து சென்ற குன்றத்தூா் அடுத்த நந்தம்பாக்கம் பகுதியைச் சோ்ந்த வேல்முருகன் (30) என்பவரை கைது செய்து நீதிமன்றத்தில் ஆஜா்படுத்தி சிறையில் அடைத்தனா்.