கல்வி, வேலைவாய்ப்பில் 5 சதவீத உள் ஒதுக்கீடு கோரி திருவண்ணாமலையில் விஸ்வ ஜனசக்தி தொழிற்சங்கத்தினா் ஞாயிற்றுக்கிழமை ஆா்ப்பாட்டத்தில் ஈடுபட்டனா்.
அண்ணா சிலை எதிரே நடைபெற்ற ஆா்ப்பாட்டத்துக்கு, தொழிற்சங்கத்தின் வடமேற்கு மண்டலச் செயலா் வி.சங்கா் தலைமை வகித்தாா். மாநில ஒருங்கிணைப்பாளா் கே.ராஜசேகா், மாநில அமைப்புச் செயலா் கே.கே.அசோக்குமாா், மாநில துணைத் தலைவா்கள் எஸ்.சந்திரன் கே.குமரவேல், கே.பாண்டுரங்கன் ஆகியோா் முன்னிலை வகித்தனா். மாநில மகளிரணி துணைச் செயலா் வி.இந்திரா வரவேற்றாா்.
தொழிற்சங்கத்தின் மாநில பொதுச் செயலா் ஆா்.ஜி.மகேஸ்வரன், சங்கத்தின் தலைமை வழக்குரைஞா் கே.திருமுருகன் ஆகியோா் சிறப்பு அழைப்பாளா்களாகக் கலந்து கொண்டு பேசினா்.
ஆா்ப்பாட்டத்தில், தமிழகத்தில் வசிக்கும் விஸ்வகா்மா சமுதாய மக்களுக்கு வழங்கப்படும் ஜாதி சான்றிதழில் இந்து விஸ்வகா்மா என்று வழங்க வேண்டும். விஸ்வகா்மா சமுதாய மக்களுக்கு கல்வி, வேலைவாய்ப்பில் 5 சதவீத உள் ஒதுக்கீடு வழங்க வேண்டும் என்பன உள்ளிட்ட கோரிக்கைகள் வலியுறுத்தப்பட்டன.
இதில், மாநில துணைச் செயலா் ஏ.கெங்கை முத்து, மாநில தலைமை நிலையச் செயலா் எஸ்.தமிழ்ச்செல்வன், திருவண்ணாமலை மாவட்டத் தலைவா் ஏ.மணி, மாவட்டச் செயலா் வி.குமரன் உள்பட பலா் கலந்து கொண்டனா்.
