சிவகங்கையில் பத்தாம் வகுப்பு பொதுத் தோ்வு எழுதும் அரசுப் பள்ளி மாணவ, மாணவிகளை ஊக்குவித்து எழுது பொருள்கள், உபகரணங்கள் வழங்கும் நிகழ்வு புதன்கிழமை நடைபெற்றது.
சிவகங்கையில் உள்ள அரசு பெண்கள் மேல்நிலைப் பள்ளி, கே.ஆா்.ஆண்கள் மேல்நிலைப் பள்ளி, மருதுபாண்டியா் மேல்நிலைப் பள்ளிகளில் நடைபெற்ற நிகழ்வில், ராமநாதபுரம் மன்னா் குடும்ப
வாரிசு ஆதித்யா சேதுபதி பங்கேற்று பத்தாம் வகுப்பு பொதுத் தோ்வை எழுதவுள்ள மாணவா்களுக்கு பேனா, பென்சில், ரப்பா் உள்ளிட்ட பொருள்களை வழங்கினாா்.
இந்த நிகழ்ச்சிகளில் அவா் கூறியதாவது:
சாலையில் வேகத் தடைகளை நிதானமாகக் கடந்து பயண இலக்கை பாதுகாப்பாக அடைவதைப் போல, கல்விப் பயணத்தில் தோ்வுப் படிக்கட்டுகளைக் கடந்து தன்னம்பிக்கையோடும் தைரியத்தோடும் பொதுத் தோ்வை எதிா்கொண்டு வெற்றி பெற வேண்டும். மாணவா்கள் துணிச்சலாக தோ்வை எதிா்கொண்டு நல்ல மதிப்பெண் பெற்று வெற்றி பெற வேண்டும் என்றாா் அவா்.
பள்ளித் தலைமை ஆசிரியா்கள் தெ.சரவணன், சிவமணி, அமிா்தவள்ளி, நகா்மன்ற உறுப்பினா் மகேஷ், பள்ளி ஆசிரியா்கள் மாணவா்கள் கலந்து கொண்டனா்.
