சுற்றுச்சூழல் பாதுகாப்பு மற்றும் விழிப்புணா்வு ஏற்படுத்துதற்காக சிறந்த பங்களிப்பை அளித்த 100 தனிநபா்களுக்கு பசுமை சாம்பியன் விருதும் தலா ரூ. ஒரு லட்சம் பரிசாகவும் வழங்கப்படும் என காஞ்சிபுரம் ஆட்சியா் கலைச்செல்வி மோகன் தெரிவித்துள்ளாா்.
இதுகுறித்து அவா் வெளியிட்ட செய்திக் குறிப்பு:
சுற்றுச்சூழல் பாதுகாப்பு மற்றும் விழிப்புணா்வை காஞ்சிபுரம் மாவட்டத்தில் சிறப்பாக செயல்படுத்திய நிறுவனங்கள், கல்வி நிறுவனங்கள், பள்ளிகள், கல்லூரிகள், குடியிருப்போா் நலச் சங்கங்கள், தனி நபா்கள், உள்ளாட்சி அமைப்புகள் மற்றும் தொழிற்சாலைகளுக்கு பசுமை சாம்பியன் விருது வழங்கப்பட உள்ளது.
சுற்றுச்சூழல் கல்வி மற்றும் பயிற்சி, சுற்றுச்சூழல் பாதுகாப்பு மற்றும் விழிப்புணா்வு, பசுமை தயாரிப்புகள், பசுமை தொழில் நுட்பம் தொடா்பான விஞ்ஞான ஆய்வுகள், திடக்கழிவு மேலாண்மை, நிலைத்தகு வளா்ச்சி, நீா் மேலாண்மை மற்றும் நீா் நிலைகள் பாதுகாப்பு, காற்று மாசு குறைத்தல், காலநிலை மாற்றத்துக்கு உட்படுதல் மற்றும் தணிப்பு நடவடிக்கைகள், கடற்கரை பாதுகாப்பு நடவடிக்கை, நெகிழி கழிவுகளின் மறுசுழற்சி மற்றும் கட்டுப்பாடு நடவடிக்கை, சுற்றுச்சூழல் மறுசீரமைப்பு மற்றும் பாதுகாப்பு மற்றும் இதர சுற்றுச்சூழல் சாா்ந்த திட்டங்கள் செயல்படுத்தியிருக்க வேண்டும்.
தமிழ்நாடு மாசுக்கட்டுப்பாட்டு வாரியம் ஆட்சியரின் தலைமையில் அமைக்கப்பட்ட பசுமை சாம்பியன் விருது தோ்வு செய்யும் குழு மூலம் தகுதி வாய்ந்த 100 போ் அல்லது நிறுவனங்களை தோ்வு செய்யும். இதற்கான விண்ணப்பப் படிவத்தை தமிழ்நாடு மாசுக்கட்டுப்பாட்டு வாரிய வலைதளமான பதிவிறக்கம் செய்து கொள்ளலாம்.
இதுதொடா்பாக மேலும் விவரங்கள் தேவைப்படுவோா் மாவட்ட சுற்றுச்சூழல் பொறியாளா், தமிழ்நாடு மாசுக்கட்டுப்பாட்டு வாரியம், எண்-5, சிப்காட் தொழிற்சாலை வளா்ச்சி மையம், ஒரகடம், ஸ்ரீ பெரும்புதூா், காஞ்சிபுரம்-ஐஅணுகலாம்.
பசுமை சாம்பியன் விருதுக்கு 2024-ஆம் ஆண்டுக்கு பூா்த்தி செய்யப்பட்ட விண்ணப்பங்களை இரு மென்பொருள் நகல் மற்றும் அச்சுப் பிரதிகளுடன் காஞ்சிபுரம் ஆட்சியரிடம் வரும் ஏப். 15-ஆம் தேதிக்குள் சமா்ப்பிக்க வேண்டும் என தெரிவிக்கப்பட்டுள்ளது.
