அனைத்து திட்டங்களையும் சிறப்பாகச் செயல்படுத்துகிறாா் முதல்வா்: அமைச்சா் கே.ஆா்.பெரியகருப்பன்

தமிழகத்தில் பொதுமக்களுக்குத் தேவையான அனைத்து திட்டங்களையும் முதல்வா் மு.க.ஸ்டாலின் சிறப்பாகச் செயல்படுத்தி வருவதாக கூட்டுறவுத் துறை அமைச்சா் கே.ஆா்.பெரியகருப்பன் தெரிவித்தாா்.

திருப்புவனத்தில் மேற்கு ஒன்றிய திமுக சாா்பில், சனிக்கிழமை முன்னாள் முதல்வா் கருணாநிதியின் 102-ஆவது பிறந்த நாள் விழா பொதுக் கூட்டம் நடைபெற்றது. இந்தக் கூட்டத்துக்கு சுற்றுச்சூழல் அணி மாவட்டத் துணை அமைப்பாளா் தேவதாஸ் தலைமை வகித்தாா். திமுக ஒன்றியச் செயலா் வசந்தி, பேரூராட்சி செயலா் நாகூா்கனி, மாவட்ட பிரதிநிதி ராமலிங்கம் ஆகியோா் முன்னிலை வகித்தனா்.

கூட்டத்தில் அமைச்சா் கே.ஆா். பெரியகருப்பன் பேசியதாவது: தமிழகத்தில் பொதுமக்களுக்குத் தேவையான அனைத்துத் திட்டங்களையும் முதல்வா் ஸ்டாலின் சிறப்பாகச் செயல்படுத்தி வருகிறாா். எனவே, இந்த அரசு தொடர, 2026-ஆம் ஆண்டு நடைபெறவுள்ள சட்டப்பேரவை தோ்தலில் திமுகவை பொதுமக்கள் ஆதரிக்க வேண்டும் என்றாா் அவா்.

திருப்புவனம் பேரூராட்சித் தலைவா் த. சேங்கைமாறன் வரவேற்றுப் பேசுகையில், ‘திருப்புவனத்தில் பேருந்து நிலையம் அமைக்க தமிழக அரசு ரூ. 3 கோடி நிதி ஒதுக்கி உள்ளது. பேருந்து நிலையம் அமைக்க தோ்வு செய்யப்பட்ட இடம் வருவாய்த் துறை ஆவணங்களில் அரசு இடம் என உள்ளது.

ஆனால், சிவகங்கை தேவஸ்தான நிா்வாகம் நீதிமன்றத்தில் தொடா்ந்த வழக்கால் பேருந்து நிலையம் அமைப்பதற்கான ஒப்பந்தப்புள்ளி நிறுத்தி வைக்கப்பட்டது. வழக்கில் வெற்றி பெற்று திருப்புவனத்தில் பேருந்து நிலையம் உறுதியாக அமைக்கப்படும்’ என்றாா்.

திமுக மாநில செய்தித் தொடா்பு இணைச் செயலா் தமிழன் பிரசன்னா, கூட்டத்தில் பங்கேற்று சிறப்புரையாற்றினாா். இந்தக் கூட்டத்தில் மானாமதுரை சட்டப்பேரவை உறுப்பினா் தமிழரசி ரவிக்குமாா், நகா்மன்றத் தலைவா் எஸ். மாரியப்பன் கென்னடி, முன்னாள் அமைச்சா் மு. தென்னவன், பேரூராட்சி துணைத் தலைவா் ரகமத்துல்லாகான், மாவட்ட விவசாய அணி துணைத் தலைவா் சேகா், ஒன்றிய நிா்வாகிகள் ஈஸ்வரன், சுப்பையா, மகேந்திரன், இளங்கோவன் மாவட்ட மீனவா் அணி துணை அமைப்பாளா் அண்ணாமலை, நகா் இளைஞா் அணி அமைப்பாளா் கண்ணன் உள்ளிட்டோா் கலந்து கொண்டனா். மாவட்ட இளைஞரணி துணை அமைப்பாளா் பொற்கோ நன்றி கூறினாா்.