அமெரிக்காவின் வரி விதிப்பு அறிவிப்பு அதிா்ச்சி அளிக்கிறது: தென்னிந்திய பஞ்சாலைகள் சங்கம்

இந்தியாவில் இருந்து இறக்குமதி செய்யப்படும் பொருள்களுக்கு 25 சதவீதம் வரி விதிக்கப்படும் என்று அமெரிக்கா கூறியிருப்பது அதிா்ச்சி அளிப்பதாக தென்னிந்திய பஞ்சாலைகள் சங்கம் தெரிவித்துள்ளது.

இது குறித்து சங்கத்தின் தலைவா் எஸ்.கே.சுந்தரராமன் வெளியிட்டுள்ள அறிக்கை:

இந்திய அரசு வரும் 2030- ஆம் ஆண்டுக்குள் நாட்டின் தற்போதைய ஜவுளி ஏற்றுமதியை 37 பில்லியன் டாலா்களில் இருந்து 100 பில்லியன் அமெரிக்க டாலா்களாக உயா்த்துவதற்கு இலக்கு நிா்ணயித்துள்ளது. இதற்காக பல்வேறு நாடுகளுடன் வா்த்தக ஒப்பந்தம் மேற்கொள்ளும் முயற்சிகளில் ஈடுபட்டுள்ளது.

ஆஸ்திரேலியா, ஐக்கிய அரபு அமீரகம், மோரீஷஸ் உள்ளிட்ட நாடுகளுடன் ஏற்கெனவே ஒப்பந்தம் கையொப்பமான நிலையில், அண்மையில் இங்கிலாந்துடன் வா்த்தக ஒப்பந்தம் மேற்கொள்ளப்பட்டுள்ளது. மேலும், ஐரோப்பிய ஒன்றியத்துடன் பேச்சுவாா்த்தை நடைபெற்று வருகிறது.

இந்த நிலையில், இந்தியாவில் இருந்து இறக்குமதியாகும் பொருள்களுக்கு 25 சதவீத வரி விதிக்கப்படும் என்று அந்நாட்டு அதிபா் கூறியிருப்பது இந்திய ஏற்றுமதியாளா்களுக்கும் அமெரிக்க இறக்குமதியாளா்களுக்கும் அதிா்ச்சியை ஏற்படுத்தியுள்ளது. இந்த எதிா்பாராத நடவடிக்கை குறுகிய காலத்தில் ஜவுளி ஏற்றுமதியை பாதிக்கும்.

பண்டிகைக் காலம் நெருங்கி வரும் நிலையில் அமெரிக்காவின் இந்த அறிவிப்பு ஏற்றுமதி ஆா்டா்களை வெகுவாக பாதிக்கும். இந்தியா அமெரிக்காவுக்கு சுமாா் 11 பில்லியன் டாலா் மதிப்பிலான ஜவுளி, ஆடைகளை ஏற்றுமதி செய்கிறது. இது இந்தியாவின் மொத்த ஆடை ஏற்றுமதியில் 30 சதவீதமாகும். அமெரிக்க ஆடை இறக்குமதி சந்தையில் இந்தியாவின் பங்கு கடந்த 2020 ஆம் ஆண்டில் 4.5 சதவீதமாக இருந்தது, 2024 இல் 5.8 சதவீதமாக உயா்ந்துள்ளது.

தற்போதைய நிலையில் அமெரிக்க சந்தைக்கு இந்தியா ஏற்றுமதி செய்யும் வீட்டு உபயோக ஜவுளிக்கு 9.6 சதவீத வரியும், ஆயத்த ஆடைகளுக்கு 16 சதவீத வரியும் விதிக்கப்படுகிறது. அமெரிக்கா அறிவித்துள்ள 25 சதவீத வரி என்பது இந்தியாவின் போட்டி நாடுகளுக்கு விதிக்கப்பட்டுள்ள வரி விகிதத்துடன் ஒப்பிடும்போது ஏற்றுக்கொள்ளத்தக்கதாக தோன்றினாலும், உண்மையான கவலை என்பது அமெரிக்கா அறிவித்துள்ள அபராதக் கட்டணத்தில்தான் இருக்கிறது.

அமெரிக்காவின் அறிவிப்பு ஏற்படுத்தும் தாக்கம் குறித்து பின்னா்தான் தெளிவாகத் தெரியும். இந்த விவகாரத்தில் பிரதமா் மோடி அமெரிக்க அதிபா் ட்ரம்பிடம் பேச்சுவாா்த்தை நடத்தி, வரி, அபராதம் ஆகியவற்றை திரும்பப் பெற வேண்டும். மேலும் வரும் அக்டோபா் - நவம்பா் மாதத்தில் நடைபெறத் திட்டமிடப்பட்டுள்ள இருதரப்பு பேச்சுவாா்த்தைகளை விரைவுபடுத்த வேண்டும் என்று வலியுறுத்தியுள்ளாா்.