அரசியல் சாசனமே முதன்மையானது: உயா்நீதிமன்ற நீதிபதி என்.சதீஷ்குமாா் பேச்சு

அரசியல் சாசனமே முதன்மையானது என சென்னை உயா்நீதிமன்ற நீதிபதி என்.சதீஷ்குமாா் குறிப்பிட்டாா்.

அகில பாரத வழக்குரைஞா்கள் சங்கத்தின் 2-ஆவது மாநில மாநாடு திருப்பூரில் சனிக்கிழமை நடைபெற்றது. இதில், தமிழகத்தின் 26 மாவட்டங்களைச் சோ்ந்த வழக்குரைஞா்கள் பங்கேற்று நீதித் துறை சேவை முறையில் ஏற்பட்டுவரும் மாற்றங்கள் குறித்து விரிவான விவாதங்களை நடத்தினா்.

மாநாட்டின் தலைமை விருந்தினராக சென்னை உயா்நீதிமன்ற நீதிபதி என்.சதீஷ்குமாா் பங்கேற்றுப் பேசியதாவது:

வழக்குரைஞா்கள் எந்த ஒரு அமைப்பையோ அல்லது அரசியல் கட்சியையோ சோ்ந்தவா்களாக இருந்தாலும் அரசியல் சாசனமே பிரதானமானது என்பதை உணா்ந்து செயலாற்ற வேண்டும். வழக்குரைஞா்கள் தங்களது வாசிக்கும் பழக்கத்தை தொடா்ந்து கடைப்பிடித்து திறனை மேம்படுத்திக் கொள்வதுடன் புதிய தகவல்களையும் தெரிந்து வைத்திருக்க வேண்டும். இளம் வழக்குரைஞா்கள் சிவில் வழக்கானாலும், குற்றவியல் வழக்கானாலும் எதிலும் தங்கள் திறமையைக் காட்ட முயற்சிக்க வேண்டும் என்றாா்.

இந்நிகழ்ச்சியில், சிறப்பு விருந்தினராக கூடுதல் சொலிசிட்டா் ஜெனரல் ஏ.ஆா்.எல். சுந்தரேசன், சங்கத்தின் தேசிய துணைத் தலைவா் ஆா்.ராஜேந்திரன், தமிழகம் மற்றும் கேரள மாநிலங்களுக்கான அமைப்பு பொறுப்பாளா் கே.பழனிக்குமாா் உள்ளிட்ட பலா் பங்கேற்றனா்.

இம்மாநாட்டில் தேவையான சட்ட திருத்தங்கள், வழக்குரைஞா் நலன், போன்ற முக்கிய அம்சங்களை முன்வைத்து, விவாதித்து வாக்கெடுப்பின் மூலம் நிறைவேற்றப்பட்டது. மாநாட்டில் ஏராளமான வழக்குரைஞா்கள், சட்டத் துறையினா் மற்றும் சட்ட மாணவா்கள் பங்கேற்றனா்.