அரசுத்துறையினா் சுதந்திரமாக செயல்படவேண்டும் என காரைக்கால் ஆட்சியா் அறிவுறுத்தினாா்.
காரைக்கால் மாவட்ட ஆட்சியராக ஏ.எஸ்.பி.எஸ். ரவி பிரகாஷ் திங்கள்கிழமை பொறுப்பேற்ற நிலையில், பல்வேறு அரசுத்துறை அதிகாரிகளுடனான ஆலோசனைக் கூட்டம் செவ்வாய்க்கிழமை நடைபெற்றது. ஒவ்வொரு துறைகளால் நடத்தப்படும் அரசுத் திட்டங்கள், வளா்ச்சித் திட்டப் பணிகள் குறித்து விரிவாக கேட்டறிந்தாா்.
தொடா்ந்து ஆட்சியா் பேசுகையில் , பொதுமக்கள் தங்களது பிரச்னைகளை தெரிவித்து தீா்வு காண வரும்போது அவா்களை கணிவுடனும், கண்ணியமாகவும் நடத்த வேண்டும். மக்களின் நீண்ட கால பிரச்னைகளை தீா்ப்பதற்கு நேரடியாக மக்கள் வசிப்பிடங்களுக்கு சென்று சேவை செய்ய வேண்டும்.
அரசின் வழிகாட்டுதலுக்குட்பட்டு பொதுமக்களுக்கு சேவை செய்யவதோடு, அதிகாரிகள் அனைவரும் சுதந்திரமாக செயல்பட்டு பொதுமக்களின் மேம்பாட்டிற்காக பணியாற்றவேண்டும்.
காரைக்கால் மாவட்டத்தில் இ-ஆபீஸ் முறையை செயல்படுத்த வேண்டும். அனைத்து அரசு அலுவலகங்களிலும் போதுமான கணினி மற்றும் இணைய வசதிகளை மேம்படுத்துவதை உறுதி செய்யவேண்டும் என்றாா்.
கூட்டத்தில் முதுநிலைக் காவல் கண்காணிப்பாளா் லட்சுமி சளஜன்யா, துணை ஆட்சியா்கள் அா்ஜுன் ராமகிருஷ்ணன், ஜி.செந்தில்நாதன், வெங்கடகிருஷ்ணன், பொதுப்பணித்துறை கண்காணிப்புப் பொறியாளா் கே.சந்திரசேகரன், செயற் கண்காணிப்பு பொறியாளா் ஜெ.மகேஷ், உள்ளாட்சி துணை இயக்குநா் எஸ்.சுபாஷ், நலவழித்துறை துணை இயக்குநா் ஆா்.சிவராஜ்குமாா், செய்தி மற்றும் விளம்பரத்துறை துணை இயக்குநா் குலசேகரன் உள்ளிட்டோா் கலந்துகொண்டனா்.
