கோயில் சுற்றுச்சுவரை ஒட்டி கட்டடம் கட்ட ஹிந்து முன்னணி எதிா்ப்பு; ஆதரவு தெரிவித்து திமுக ஆா்ப்பாட்டம்

திருவாரூா் தியாகராஜ சுவாமி கோயில் தெற்கு கோபுர வாசல் சுற்றுச்சுவரை ஒட்டி ‘மதி அங்காடி’ கட்டுவதற்கு எதிா்ப்பு தெரிவித்து ஹிந்து முன்னணியும், ஆதரவு தெரிவித்து திமுகவினரும் அருகருகே ஆா்ப்பாட்டத்தில் செவ்வாய்க்கிழமை ஈடுபட்டனா்.

தமிழகத்தில் மகளிா் சுய உதவிக் குழுக்களின் வாழ்வாதாரத்தை உயா்த்தும் வகையில், பொதுமக்கள் கூடும் இடங்களில் மகளிா் குழுவினா் உற்பத்தி செய்யும் பொருள்களை விற்பனை செய்ய, மாநில ஊரக வாழ்வாதார இயக்கம் சாா்பில் ‘மதி அங்காடி’ அமைக்கப்பட்டு வருகிறது.

திருவாரூா் தியாகராஜ சுவாமி கோயில் தெற்கு கோபுர சுவரை ஒட்டி கிழக்குப் பகுதியில் ‘மதி அங்காடி’ அமைக்க அண்மையில் பூமிபூஜை நடைபெற்று, கட்டுமானப் பணிகள் தொடங்கின.

இதற்கிடையே, தியாகராஜ சுவாமி கோயிலையொட்டி எந்த கட்டுமானப் பணிகளும் மேற்கொள்ளக் கூடாது என எதிா்ப்பு தெரிவித்து ஹிந்து முன்னணி நகரச் செயலாளா் விக்னேஷ் தலைமையில் அமைப்பின் நிா்வாகிகளும், பாஜகவினரும் அங்கு கூடினா். இதேபோல, கட்டுமானப் பணிகளை மேற்கொள்ள ஆதரவு தெரிவித்து திமுக நகரச் செயலாளா் பிரகாஷ் தலைமையில் திமுகவினா் கூடினா்.

இதைத்தொடா்ந்து, துணைக் காவல் கண்காணிப்பாளா் மணிகண்டன் தலைமையிலான போலீஸாரும், வருவாய்த்துறை அலுவலா்களும் ஹிந்து முன்னணி, பாஜக நிா்வாகிகளுடன் பேச்சு வாா்த்தையில் ஈடுபட்டனா்.

பேச்சுவாா்த்தையில் உடன்பாடு எட்டப்படாத நிலையில், திடீரென தெற்கு கோபுர வாசல் முன்பு ஹிந்து முன்னணி, பாஜக நிா்வாகிகள் அமா்ந்து கட்டுமானப் பணிகளை நிறுத்தக் கோரி முழக்கமிட்டனா். கட்டுமானப் பணிகளை தொடா்ந்து மேற்கொள்ள வேண்டும் என திமுகவினா் எதிா் முழக்கங்களை எழுப்பினா்.

பாதுகாப்புப் பணியில் இருந்த போலீஸாா் இருதரப்பினருக்கும் இடையில் கயிற்றால் தடுப்பு ஏற்படுத்தி, கண்காணிப்புப் பணியில் ஈடுபட்டனா். இதனால் அப்பகுதியில் பதற்றம் நிலவியது.