விழுப்புரம் மாவட்டம், திண்டிவனம் அருகே அரசுப் பேருந்து கண்ணாடியை சேதப்படுத்திய இளைஞா்கள் இருவரை போலீஸாா் செவ்வாய்க்கிழமை கைது செய்தனா்.
திருவண்ணாமலை மாவட்டம், நரியாப்பட்டு, நடுத்தெருவைச் சோ்ந்தவா் ராதாகிருஷ்ணன் மகன் இளஞ்செழியன் (47). தமிழ்நாடு அரசு விரைவுப் போக்குவரத்துக் கழகத்தில் ஓட்டுநராகப் பணிபுரிந்து வருகிறாா். இவா் திங்கள்கிழமை திருவண்ணாமலை - சென்னை செல்லும் பேருந்தில் பணியில் இருந்தாா்.
இந்நிலையில் இளஞ்செழியன் திண்டிவனம் அடுத்த அய்யந்தோப்பு அருகே பேருந்தை ஓட்டிச் சென்றாா். அப்போது முன்னால் சென்ற பைக்குக்கு எச்சரிக்கை விடுப்பதற்கு ஒலி எழுப்பியுள்ளாா்.
இதனால் ஆத்திரமடை ந்த பைக்கில் சென்ற இளைஞா்கள் இருவா் அரசுப் பேருந்து ஓட்டுநா் இளஞ்செழியனிடம் தகராறு செய்து தகாத வாா்த்தைகளால் திட்டியதுடன் பேருந்தின் முன் பக்கக் கண்ணாடியை அடித்து சேதப்படுத்திவிட்டு தப்பிச் சென்று விட்டனராம்.
இது குறித்த புகாரின் பேரில் ரோஷணை போலீஸாா் நிகழ்விடம் சென்று விசாரணை நடத்தியதில் திண்டிவனம் எம்.ஜி.ஆா். நகரைச் சோ்ந்த செல்வராஜ் மகன் குணா (24), காந்தி நகரைச் சோ்ந்த ராஜ மாணிக்கம் மகன் குமரவேல் (22) ஆகியோா் இதில் ஈடுபட்டது தெரியவந்தது. இதையடுத்து ரோஷணை போலீஸாா் செவ்வாய்க்கிழமை வழக்குப் பதிந்து குணா, குமரவேல் ஆகிய இருவரையும் கைது செய்தனா்.
