சின்னசேலம் அருகே தனியாா் பள்ளியில் பணிபுரியும் ஆசிரியையை திருமணம் செய்து கொள்ளுமாறு வலியுறுத்தியவரை போலீஸாா் செவ்வாய்க்கிழமை கைது செய்தனா்.
சின்னசேலம் அருகேயுள்ள கனியாமூா் பகுதியைச் சோ்ந்தவா் 25 வயது பெண். இவா், அப்பகுதியில் உள்ள தனியாா் பள்ளியில் ஆசிரியையாக பணியாற்றி வருகிறாா்.
இவா் நாள்தோறும் பள்ளி முடிந்து வீட்டிற்குச் செல்லும் போது, இளைஞா் ஒருவா் இவரை பின்தொடா்ந்து சென்று திருமணம் செய்து கொள்ளுமாறு வலியுறுத்தியும், கைப்பேசி எண்ணைக் கேட்டும் தொந்தரவு செய்து வந்தாராம்.
பின்னா், விசாரித்தபோது அவா் சின்னசேலத்தை அடுத்த காளசமுத்திரம் கிராமத்தைச் சோ்ந்த வெங்கட்மணி (28) எனத் தெரிய வந்தது.
இதுகுறித்து அந்தப் பெண் அளித்த புகாரின் பேரில், சின்னசேலம் போலீஸாா் வழக்குப் பதிந்து வெங்கட்மணியை கைது செய்தனா்.
