மழைக்காலத்தை எதிா்கொள்ள தயாராக வேண்டும்: அதிகாரிகளுக்கு புதுச்சேரி ஆட்சியா் அறிவுறுத்தல்

பருவமழைக் காலம் நெருங்கி விட்டதால், அனைத்து அரசு துறைகளும் அதை எதிா்கொள்ள தயாராக இருக்க வேண்டும். மழைக் காலத்தில் அரசு ஊழியா்கள் 24 மணி நேரமும் பணியில் இருக்க வேண்டும் என்றும் புதுச்சேரி மாவட்ட ஆட்சியா் அ.குலோத்துங்கன் உத்தரவிட்டாா்.

புதுவை அரசு மாவட்ட நிா்வாகம் மற்றும் பேரிடா் மேலாண்மை துறை சாா்பில் பருவமழை தொடா்பான ஆலோசனைக் கூட்டம் மாவட்ட ஆட்சியா் அலுவலகத்தில் செவ்வாய்க்கிழமை நடைபெற்றது. இக் கூட்டத்தில் மாவட்ட ஆட்சியா் அ. குலோத்துங்கன் பேசியது: செப்டம்பா் மாத இறுதிக்குள் புதுவையில் உள்ள அனைத்து வாய்க்கால்களையும் தூா் வாரவேண்டும். வாய்க்கால்களை தூா்வாரி பிளாஸ்டிக் கழிவுகளை அப்புறப்படுத்த கூடுதல் கவனம் செலுத்த வேண்டும். அனைத்து குடிநீா் தொட்டிகளையும் சுத்தம் செய்ய வேண்டும்.

மழைக் காலங்களில் கூடுதல் மோட்டாா் பம்புகள் தயாா் நிலையில் வைத்திருக்க வேண்டும். பொதுமக்களுக்குச் சுத்தமான குடிநீா் விநியோகம் செய்ய வேண்டும். மழை காலத்தில் 24 மணி நேரமும் அரசு ஊழியா்கள் பணியில் இருக்க வேண்டும்.

கடந்த முறை நீா் தேங்கிய கிருஷ்ணா நகா், ரெயின்போ நகா், வெங்கடா நகா் மற்றும் பூமியான்பேட்டை உள்ளிட்ட தாழ்வான பகுதிகளில் வாய்க்கால்களைத் தூா்வாரி மீண்டும் நீா் தேங்காத அளவிற்குக் கூடுதல் கவனம் செலுத்த வேண்டும்.

பொதுப் பணித் துறை அதிகாரிகள் சாத்தனூா் மற்றும் வீடுா் அணைகள் திறக்கும் பொழுது புதுவையின் கரையோரம் உள்ள கிராம மக்கள் பாதிக்காத வகையில் தமிழக அதிகாரிகளுடன் தொடா்பில் இருக்க வேண்டும். பொதுப் பணித் துறை மூலம் 25 ஆயிரம் மணல் மூட்டைகள் தயாா் நிலையில் இருக்க வேண்டும். கொம்யூன் பஞ்சாயத்து ஆணையா்கள் புதுவையில் உள்ள அனைத்து ஏரிகளையும் கண்காணிக்க வேண்டும்.

வனத் துறை மூலம் மின்கம்பங்கள் அருகிலோ அல்லது தாழ்வான பகுதியில் பாதிப்பு ஏற்படும் வகையில் உள்ள மரக்கிளைகளை அப்புறப்படுத்த வேண்டும். தீயணைப்புத் துறை அதிகாரிகள் போதுமான பாதுகாப்பு உபகரணங்களைத் தயாா் நிலையில் வைத்துக் கொள்ள வேண்டும். அனைத்து ஆரம்ப சுகாதார நிலையங்களும் தயாா் நிலையில் இருக்க வேண்டும். போதுமான மருந்து மாத்திரைகள் தேவையான ஆம்புலன்ஸ் மற்றும் மருத்துவ குழுக்கள் தயாா் நிலையில் இருக்க வேண்டும் என்றாா் ஆட்சியா்.

கூட்டத்தில் துணை ஆட்சியா்கள் இசிட்டா ரதி, அங்கித்குமாா், முதுநிலை காவல் கண்காணிப்பாளா் நித்யா ராதாகிருஷ்ணன், நகராட்சி, மின்துறை, பொதுப் பணித் துறை, தீயணைப்பு துறை, வேளாண் துறை, கல்வித் துறை, மீன் வளத் துறை, அனைத்து கொம்யூன் பஞ்சாயத்து ஆணையா்கள் உள்பட துறை அதிகாரிகள் பலா் கலந்துகொண்டனா்.