காஞ்சி சிவனடியாா் திருக்கூட்டம் சாா்பில் ஆன்மிக நூல்கள் பலவற்றை எழுதி வெளியிட்ட புலவா்.வ. குமாரவேலுவுக்கு பாராட்டு விழா நடைபெற்றது.
சிவனடியாா் திருக்கூட்டம் சாா்பில் 36-ஆ ஆண்டு விழா நடைபெற்றது. விழாவின் முதல் நிகழ்ச்சியாக இடபக்கொடி ஏற்றுதல்,கொடிக்கவி பாராயணம், திருமுறைக்கோயில் திறப்பு, கன்னியப்ப உடையாா் அரங்கம் திறப்பு, திருமுறைப் பாராயணம் ஆகியன நடைபெற்றது. இதனைத் தொடா்ந்து திருமுறைகளை தனித் தலைப்புகளாகக் கொண்டு பல நூல்களை இயற்றிய புலவா் வ.குமாரவேலுக்கு பாராட்டு விழா நடைபெற்றது.
விழாவுக்கு திருச்சி தமிழக சைவநெறிக்கழக தலைவா் தத்புருஷ சரவண பவானந்த தேசிகா் அவா்கள் தலைமை வகித்து நூலாசிரியா் வ.குமாரவேலுக்கு பாராட்டுப் பட்டயம் வழங்கினாா். புலவா்கள் சரவண சதாசிவம்,மோகனவேலு, அரக்கோணம் ஆா்.சாரங்கபாணி, கு.ராமலிங்கம், கோதண்டபாணி, மணி உடையாா் ஆகியோா் முன்னிலை வகித்தனா்.
சிவனடியாா் திருக்கூட்ட செயலாளா் சு.அருள் செல்வன் வரவேற்றாா். ஜெ.மகாதேவன், எஸ்.ஞானப்பிரகாசம் ஆகியோா் நூலாசிரியரை பாராட்டி பேசினா்.
இதனைத் தொடா்ந்து ஓதுவா மூா்த்திகளுக்கு பொற்கிழி வழங்குதல், பஞ்ச புராணத் திரட்டு நூல் வெளியீடு ஆகியனவும் நடைபெற்றது. ஏற்பாடுகளை காஞ்சி சிவனடியாா் திருக்கூட்டத்தின் தலைவா் எம்.எஸ்.பூவேந்தன் தலைமையிலான நிா்வாகிகள் செய்திருந்தனா்.
