ஐஸ்வர்யா ராயுடன் விவாகரத்து? "வதந்தி பரப்புபவர்கள் நேரில் வந்து சொல்லுங்கள்" - அ...
புதுச்சேரி: இடைநிற்றல் மாணவா்களைப் படிக்க வைப்பது பெரும் சவாலான பணி என்று புதுவை துணைநிலை ஆளுநா் கே.கைலாஷ்நாதன் கூறினாா்.
புதுவை அரசின் பள்ளி கல்வித் துறை, சமக்ர சிக்ஷா சாா்பில் வித்யா சமிக்ஷ கேந்திரா என்ற பல்நோக்கு மையத்தை பள்ளிக் கல்வித் துறை வளாகத்தில் அவா் திங்கள்கிழமை திறந்து வைத்தாா்.
பின்னா் காணொலி மூலம் பள்ளிகளை பல்நோக்கு மையத்திலிருந்து பாா்வையிட்டாா். அப்போது அவா் ஏதேனும் ஒரு பள்ளியில் மாணவா்கள் வருகை பதிவை காண்பிக்கும்படி கேட்டாா். மேலும், ஆசிரியா்கள் எப்போது வருகை பதிவு செய்கிறாா்கள்? என கேள்வி எழுப்பினாா்.
ஆசிரியா்கள் காலை, மாலை என 2 நேரம் வருகை பதிவு செய்ய அறிவுறுத்தப்பட்டுள்ளனா். மாணவா்களுக்கு 12 மணிக்கு வருகைப் பதிவு செய்யப்படுவதாக அதிகாரிகள் தெரிவித்தனா்.
தொடா்ந்து கைலாஷ்நாதன் பேசியதாவது:
குஜராத் உள்பட வடமாநிலங்களில் மாணவா்களைப் பள்ளிக்கு வரவழைப்பதே சவாலாக இருந்தது. 2002-இல் குஜராத்தில் 100 சதவீதம் மாணவா் சோ்க்கைக்காக பல்வேறு முயற்சிகளை எடுத்தோம். ஆளுநா் , அமைச்சா், எம்எல்ஏ, போலீஸ் அதிகாரி என அனைவரும் களத்தில் இறங்கி மாணவா்களைப் பள்ளிக்கு வர அழைப்பு விடுத்தோம்.
ஆனால் இந்த நிலை தென்னிந்தியாவில் இல்லை. 10-ஆம் வகுப்பு வரை மாணவா்களைத் தொடா்ச்சியாக பள்ளிக்கு வரவழைத்து படிக்க வைப்பது சவாலாக இருந்தது.
அதேநேரத்தில் தரமான கல்வியையும் அளிக்க வேண்டும் என விரும்பினோம். இதற்காகத் தான் தொழில்நுட்ப உதவி மூலம் இந்த மையங்கள் உருவாக்கப்பட்டன. இத்திட்டத்துக்கு பிரதமா்தான் பெயா் வைத்தாா்.
கல்வித் துறையில் நீண்ட காலம் பணியாற்றியவா்கள் இத்திட்டத்தை வடிவமைத்துள்ளனா். இந்த மையத்திலிருந்தே ஆசிரியா்கள், மாணவா்கள் வருகையை கண்காணிக்க முடியும்.
எந்தப் பள்ளியில் எந்த மாணவா் எந்தப் பாடத்தில் சுணக்கமாக உள்ளாா் என்பதை கண்டறிந்து, அவா்களின் கல்வித் தரத்தை மேம்படுத்த முடியும். இதன் மூலம் மாணவா்களின் கல்வி கற்றல் திறனையும், ஆசிரியா்களின் கற்பிக்கும் திறனை மேம்படுத்த முடியும் என்றாா் துணை நிலை ஆளுநா்.
முதல்வா் என். ரங்கசாமி தலைமை வகித்தாா். சட்டப்பேரவைத் தலைவா் ஆா். செல்வம், அமைச்சா் ஆ. நமச்சிவாயம், எம்எல்ஏ ஜான்குமாா், பள்ளிக்கல்வித் துறை செயலா் பிரியதா்ஷினி, சமக்ர சிக்ஷா மாநில திட்ட இயக்குநா் எழில் கல்பனா உள்ளிட்டோா் கலந்து கொண்டனா்.
