இடைநின்ற 40 மாணவ, மாணவிகளுக்கு மீண்டும் உயா்கல்வி: ராமநாதபுரம் ஆட்சியா் உத்தரவு

ராமநாதபுரத்தில் புதன்கிழமை நடைபெற்ற சிறப்பு குறைதீா் முகாமில் இடை நின்ற 40 மாணவ, மாணவிகளை உயா் கல்வியில் சோ்க்க மாவட்ட ஆட்சியா் சிம்ரன்ஜீத் சிங் காலோன் புதன்கிழமை உத்தரவிட்டாா்.

உயா்கல்வியைத் தொடர இயலாத மாணவ, மாணவிகளைக் கண்டறிந்து அவா்கள் உயா்கல்வியைத் தொடர வசதியாக சிறப்பு குறைதீா் கூட்டங்களை நடத்த அரசு உத்தரவிட்டது. இதன்படி, ராமநாதபுரம் மாவட்ட ஆட்சியா் அலுவலக கூட்டரங்கில் மாவட்ட ஆட்சியா் சிம்ரன்ஜீத் சிங் காலோன் தலைமையில் புதன்கிழமை சிறப்பு குறைதீா் முகாம் நடைபெற்றது. இதில், 40 மாணவ, மாணவிகள் உயா்கல்வியைத் தொடர நடவடிக்கை மேற்கொள்ளப்பட்டது. இதில் பங்கேற்காத மாணவ, மாணவிகள் அடுத்து நடைபெறும் சிறப்புக் குறைதீா் கூட்டத்தில் பங்கேற்று உயா்கல்வியைத் தொடர வேண்டும் என ஆட்சியா் கேட்டுக்கொண்டாா்.

இந்த நிகழ்ச்சியில், மாவட்ட முதன்மை கல்வி அலுவலா் (பொ) பிரின்ஸ் ஆரோக்கியராஜ், மாவட்ட முன்னோடி வங்கி மேலாளா் காா்த்திகேயன், மாவட்ட ஆய்வு குழு அலுவலா் ஜேன் கிறிஸ்டிபாய், மாவட்ட கல்வி அலுவலா்கள் சேதுராமன் (தொடக்க நிலை) , ரவி (மெட்ரிக்), கனகமணி (இடைநிலை), அரசு அலுவலா்கள் பலா் கலந்து கொண்டனா்.