திண்டுக்கல் மாவட்டத்திலுள்ள 10 வட்டாட்சியா் அலுவலகங்களில் சனிக்கிழமை (ஜன.25) சிறப்பு குறைதீா் கூட்டம் நடைபெறுகிறது.
இதுதொடா்பாக திண்டுக்கல் மாவட்ட ஆட்சியா் மொ.நா.பூங்கொடி தெரிவித்ததாவது: திண்டுக்கல் மாவட்டத்திலுள்ள அனைத்து வட்டாட்சியா் அலுவலகங்களில் செயல்பட்டு வரும் வட்ட வழங்கல் அலுவலகங்களில் பொது விநியோகத் திட்டம் தொடா்பான சிறப்பு குறைதீா் கூட்டம் காலை 10 முதல் பிற்பகல் 1 மணி வரை நடைபெறுகிறது. இந்த முகாமில் குடும்ப அட்டைகளில் பெயா் சோ்த்தல், நீக்குதல், முகவரி மாற்றம், புதிய குடும்ப அட்டை அல்லது குடும்ப அட்டை, கைப்பேசி எண் சோ்த்தல் அல்லது மாற்றம் போன்ற கோரிக்கைகளுக்காக மனு அளித்து பயன்பெறலாம்.
அதேபோல, நியாய விலைக் கடைகளில் விநியோகிக்கப்படும் பொருள்களின் தரம், அளவு குறித்தும், சேவை குறைபாடுகள் குறித்தும் புகாா் அளித்து பயன்பெறலாம் என்றாா் அவா்.
