இலங்கைக் கடற்படையினரால் ராமேசுவரம் மீனவா்கள் 4 போ் கைது

கச்சத்தீவு அருகே திங்கள்கிழமை மீன்பிடித்துக் கொண்டிருந்த ராமேசுவரம் மீனவா்கள் 4 பேரை இலங்கைக் கடற்படையினா் கைது செய்தனா்.

ராமநாதபுரம் மாவட்டம், ராமேசுவரத்திலிருந்து 100-க்கும் மேற்பட்ட விசைப் படகுகளில் சுமாா் 700 மீனவா்கள் மீன்வளத் துறை அனுமதி பெற்று, கடலுக்குள் மீன்பிடிக்கச் சென்றனா். இவா்கள் திங்கள்கிழமை நள்ளிரவு கச்சத்தீவு-மன்னாா் வடக்கு கடல் பகுதியில் மீன்பிடித்துக் கொண்டிருந்தனா். அப்போது, அங்கு வந்த இலங்கைக் கடற்படையினா் ராமேசுவரம் மீனவா்கள் மீது தாக்குதல் நடத்தி மீன்பிடிக்க விடாமல் விரட்டியடித்தனா்.

மேலும், முனியசாமி என்பவரது விசைப் படகிலிருந்த மீனவா்கள் தங்கராஜ், லிங்கம், செல்வம், இருளாண்டி ஆகிய நான்கு பேரைக் கைது செய்தனா்.

இதையடுத்து, விசைப் படகைப் பறிமுதல் செய்த இலங்கைக் கடற்படையினா், மீனவா்கள் 4 பேரையும் மன்னாா் நீரியல்துறை அதிகாரிகளிடம் ஒப்படைத்தனா். அவா்கள் மீனவா்கள் மீது எல்லை தாண்டி மீன்பிடித்ததாக வழக்குப் பதிந்து, மன்னாா் நீதிமன்றத்தில் முன்னிலைப்படுத்தினா்.

இவா்கள் 4 பேரையும் வருகிற ஆக. 1-ஆம் தேதி வரை நீதிமன்றக் காவலில் வைக்க நீதிபதி உத்தரவிட்டாா். இதையடுத்து, நான்கு மீனவா்களும் வவுனியா சிறையில் அடைக்கப்பட்டனா்.