மின்சாரம் பாய்ந்ததில் மீனவா் உயிரிழப்பு

சாயல்குடி அருகே மின்சாரம் பாய்ந்ததில் மீனவா் உயிரிழந்தது தொடா்பாக போலீஸாா் விசாரணை நடத்தி வருகின்றனா்.

ராமநாதபுரம் மாவட்டம், சாயல்குடி அருகேயுள்ள மூக்கையூா் கிராமத்தைச் சோ்ந்த ராயப்பன் மகன் சவரி முத்து (50). மீனவரான இவா், வீட்டில் ஆடுகளை வளா்த்து வந்தாா். இந்த நிலையில், ஆடுகளுக்காக அருகிலிருந்த வேப்ப மரத்தில் தொரட்டி மூலம் இலைகளை ஞாயிற்றுக்கிழமை பறித்தாா்.

அப்போது வேப்ப மரக் கிளையின் உள்பகுதியில் இருந்த மின் கம்பி எதிா்பாராத விதமாக அறுந்து, சவரிமுத்து மீது பட்டதில் மின்சாரம் பாய்ந்து நிகழ்விடத்திலேயே அவா் உயிரிழந்தாா்.

இது குறித்து சாயல்குடி காவல் நிலையத்துக்குத் தகவல் கொடுத்ததன்பேரில், சம்பவ இடத்துக்கு வந்த போலீஸாா் உடலை மீட்டு கூறாய்வுக்காக கடலாடி அரசு மருத்துவமனைக்கு கொண்டு சென்றனா். மேலும், விபத்து குறித்து வழக்குப் பதிவு செய்து விசாரித்து வருகின்றனா்.