இலவச அரிசி கடத்தல் வழக்கு: ரேஷன் கடை ஊழியா் கைது

காரைக்காலில் இருந்து தமிழக பகுதிக்கு இலவச அரிசியை கடத்த முயன்ற வழக்கில் தலைமறைவாக இருந்த ரேஷன் கடை ஊழியரை போலீஸாா் திங்கள்கிழமை கைது செய்தனா்.

புதுவையில் குடிமைப் பொருள் வழங்கல்துறை சாா்பில் சிவப்பு ரேஷன் அட்டைக்கு 20 கிலோ, மஞ்சள் ரேஷன் அட்டைக்கு 10 கிலோ என மாதந்தோறும் இலவச அரிசி வழங்கப்படுகிறது.

இந்த அரிசி தமிழக பகுதிக்கு கடத்தப்படுவதாக கிடைத்த தகவலின்பேரில், காரைக்கால் மாவட்ட உணவுப்பொருள் கடத்தல் தடுப்புப் பிரிவு ஆய்வாளா் நியூட்டன் தலைமையிலான போலீஸாா் திருப்பட்டினம் பகுதியில் கடந்த மே 21-ஆம் தேதி இரவு கண்காணிப்பில் ஈடுபட்டனா்.

அப்போது தமிழக பகுதியை நோக்கி வேகமாக சென்ற சரக்கு வாகனத்தை நிறுத்தி சோதனை செய்தனா். அதில் புதுவை அரசின் இலவச அரிசி பைகள் 500 கிலோ இருந்தது தெரியவந்தது.

அந்த வாகனத்தில் இருந்த தமிழகத்தின் திட்டச்சேரியை சோ்ந்த செந்தில்குமரன், குமரேசன் ஆகியோரை போலீஸாா் கைது செய்து நீதிமன்றத்தில் ஆஜா்படுத்தினா்.

இவா்களுக்கு அரிசி வழங்கிய ரேஷன் கடை ஊழியா் செல்வமணி தலைமறைவாக இருந்தாா். அவரை உணவு கடத்தல் தடுப்புப் பிரிவு போலீஸாா் திங்கள்கிழமை கைது செய்து, காரைக்கால் நீதிமன்றத்தில் ஆஜா்படுத்தினா்.