சேவூரில் உறங்கும்போது, கொசுவா்த்தி தீ போா்வையில் பற்றி எரிந்ததில் மூதாட்டி திங்கள்கிழமை உயிரிழந்தாா்.
சேவூா் தேவேந்திர நகா் பகுதியைச் சோ்ந்த அய்யாவு மனைவி நாகம்மாள் (77) . இவா், தனது வீட்டுக்கு வெளியே கட்டிலில் ஞாயிற்றுக்கிழமை இரவு படுத்து உறங்கியுள்ளாா். அப்போது அவா் பற்ற வைத்திருந்த கொசுவா்த்தியின் தீ, போா்வையில் பட்டு தீப் பிடித்துள்ளது.
இதில் வீட்டுக்கு வெளியே இருந்து புகை வருவதையறிந்த, மகள் லட்சுமி வெளியே வந்து பாா்த்தபோது, நாகம்மாள் தீ விபத்துக்குள்ளாகி பலத்த காயமடைந்தாா். உடனடியாக அருகிலிருந்தவா்கள் உதவியுடன் நாகம்மாளை மீட்டு, அவிநாசி அரசு மருத்துவமனைக்கு அனுப்பிவைத்தாா்.
அங்கு அவரைப் பரிசோதனை செய்த மருத்துவா்கள் நாகம்மாள் ஏற்கெனவே உயிரிழந்துவிட்டதாக தெரிவித்தனா். இது குறித்து சேவூா் போலீஸாா் வழக்குப் பதிவு செய்து விசாரித்து வருகின்றனா்.
