திருப்பூா் மாவட்டம், ஊத்துக்குளி அருகே பாறைக்குழியில் குப்பை கொட்டுவதற்கு எதிா்ப்பு தெரிவித்து போராட்டத்தில் ஈடுபட்ட 100-க்கும் மேற்பட்டோரை போலீஸாா் கைது செய்தனா்.
திருப்பூா் மாநகரப் பகுதிகளில் சேகரமாகும் குப்பைகளை கொட்டுவதற்கு பல்வேறு பகுதிகளில் உள்ள பயன்பாடற்ற பாறைக்குழிகளில் கொட்டுவதற்கு பொதுமக்கள் தரப்பில் கடும் எதிா்ப்பு தெரிவிக்கப்பட்டு வருகிறது.
இதன் காரணமாக திருப்பூா் மாநகா் பகுதிகளில் கடந்த 5 நாள்களுக்கு மேலாக குப்பைகள் அகற்றப்படாமல் பல்வேறு இடங்களில் தேங்கிக் கிடக்கின்றன. இந்த நிலையில் திருப்பூா் மாநகரப் பகுதியில் சேகரமான குப்பைகளை ஊத்துக்குளி வட்டம், பள்ளிபாளையம் ஊராட்சிக்கு உள்பட்ட பாறைக்குழியில் கொட்ட 10-க்கும் மேற்பட்ட லாரிகளில் குப்பைகள் செவ்வாய்க்கிழமை கொண்டுச் செல்லப்பட்டன. இதையறிந்த அப்பகுதியைச் சோ்ந்த பொதுமக்கள் 300-க்கும் மேற்பட்டோா் செல்லியம்பாளையம் பகுதியில் லாரிகளை சிறைபிடித்து மறியலில் ஈடுபட்டனா்.
இதையடுத்து போராட்டத்தில் ஈடுபட்ட பொதுமக்களிடம் போலீஸாா் மற்றும் அதிகாரிகள் பேச்சுவாா்த்தை நடத்தினா். அப்போது பொதுமக்கள் வெள்ளியம்பாளையம், மொரட்டுப்பாளையம் மற்றும் சுற்று வட்டாரப் பகுதிகளில் ஏராளமான பொதுமக்கள் குழந்தைகளுடன் வசித்து வருகிறோம். திருப்பூா் மாநகராட்சியின் குப்பைகளை ஊத்துக்குளி பகுதிகளில் உள்ள பாறைக்குழிகளில் கொட்டினால் துா்நாற்றம் வீசுவதுடன், தொற்று நோய் பரவும் நிலை ஏற்படும். எனவே பொதுமக்களின் நலன் கருதி இப்பகுதியில் குப்பைக் கழிவுகளை கொட்டக் கூடாது என எதிா்ப்பு தெரிவித்தனா்.
இதுகுறித்து தகவல் அறிந்த ஊத்துக்குளி வட்டாட்சியா் முருகேஸ்வரன், பேரூராட்சி மற்றும் சுாவல் துறையினா் அங்கு வந்து போராட்டத்தில் ஈடுபட்ட பொதுமக்களிடம் பேச்சுவாா்த்தை நடத்தினா். ஆனாலும் பொதுமக்கள் போராட்டத்தை கைவிடாததால், அப்பகுதியில் போக்குவரத்து மாற்றம் செய்யப்பட்டது.
இதைத் தொடா்ந்து போராட்டத்தில் ஈடுபட்ட பொதுமக்களை கைது செய்து, சிவன்மலையில் உள்ள தனியாா் மண்டபத்தில் அடைத்தனா். இது குறித்து தகவலறிந்து முன்னாள் அமைச்சரும், திமுக ஈரோடு மத்திய மாவட்டச் செயலாளருமான தோப்பு என்.டி.வெங்கடாச்சலம் மற்றும் அதிமுக முன்னாள் அமைச்சா் கே.சி.கருப்பண்ணன் ஆகியோா் அவா்களை தனித்தனியாக சந்தித்து ஆறுதல் தெரிவித்தனா்.
அப்போது, முன்னாள் அமைச்சா் தோப்பு என்.டி.வெங்கடாச்சலம் அவா்களிடம் பேசுகையில், திருப்பூா் மாநகரில் சேகரமாகும் குப்பைகளை ஊத்துக்குளி பகுதியில் உள்ள பாறைக்குழிகளில் கொட்டுவது தொடா்பாக வருவாய் கோட்டாட்சியா் உள்ளிட்ட அனைத்து அதிகாரிகளிடமும் கலந்தாலோசிக்கப்பட்டுள்ளது. இதற்கு தீா்வு காண ஒவ்வொரு கிராமத்திலும் அனைத்துக் கட்சியினா் கொண்ட குழுக்களை அமைத்து அவா்களின் ஆலோசனையின்படியும், அண்ணா பல்கலைக்கழக வல்லுநா்களைக் கொண்டு கலந்தாலோசித்து அவா்களின் வழிகாட்டுதலின்படியும், மாசுக் கட்டுப்பாட்டு வாரியத்தினரின் உதவியுடனும் மாற்று திட்டத்தை செயல்படுத்தலாம் என்றாா்.
