அதிமுக பொதுச்செயலாளா் எடப்பாடி கே. பழனிசாமி குறித்த கேலிச்சித்திரம் சமூக வலைதளத்தில் பதிவேற்றியது தொடா்பாக நடவடிக்கை எடுக்கக் கோரி, தருமபுரி மாவட்ட எஸ்.பி.யிடம் அதிமுகவினா் வெள்ளிக்கிழமை புகாா் அளித்தனா்.
இது தொடா்பாக அதிமுக முன்னாள் அமைச்சரும், தருமபுரி அதிமுக மாவட்டச் செயலாளருமான கே.பி. அன்பழகன் தலைமையில் அதிமுகவினா் அளித்த மனுவில் கூறியிருப்பதாவது :
அதிமுக பொதுச்செயலாளா் எடப்பாடி கே. பழனிசாமியை தரக்குறைவாக சித்தரித்த கேலிச் சித்திரத்தை, திமுக தகவல் தொழில்நுட்பப் பிரிவு செயலாளரும், தமிழக தொழில், முதலீட்டு ஊக்குவிப்பு மற்றும் வணிகத்துறை அமைச்சருமான டி.ஆா்.பி. ராஜா, தனது எக்ஸ் வலைதள பக்கத்தில் பகிா்ந்துள்ளாா். அவா்மீதும், இதுபோல அவதூறு தகவல்களை பகிரும் நபா்கள் மீதும் நடவடிக்கை எடுக்க வேண்டும் எனக் குறிப்பிட்டுள்ளனா்.
இம்மனுவை, அதிமுக முன்னாள் அமைச்சரும் , தருமபுரி மாவட்ட செயலாளருமான கே.பி. அன்பழகன் தலைமையில் சுமாா் 50க்கும் மேற்பட்ட அதிமுகவினா், தருமபுரி மாவட்ட காவல் கண்காணிப்பாளா் அலுவலகத்துக்கு சென்று எஸ்.பி. மகேஸ்வரனிடம் அளித்தனா்.
