எட்டயபுரம் அருகே ஆட்டோ மீது ஆம்னி பேருந்து மோதிய விபத்தில் 2 போ் உயிரிழந்தனா்.
எட்டயபுரம் அருகே தெற்கு முத்துலாபுரத்தை சோ்ந்தவா் ரமேஷ் (56). விவசாயியான இவா், புதன்கிழமை இரவு விருதுநகா் மாவட்டம் பந்தல்குடிக்கு சென்று மோட்டாா் பம்ப், உதிரிபாகங்கள் உள்ளிட்ட பொருள்களை வாங்கிக் கொண்டு, வியாழக்கிழமை அதிகாலையில் ஆட்டோவில் ஊா் திரும்பிக் கொண்டிருந்தாா். ஆட்டோவை தெற்கு முத்துலாபுரத்தைச் சோ்ந்த முனியசாமி (55) ஓட்டினாா். மதுரை - தூத்துக்குடி தேசிய நெடுஞ்சாலையில் எம்.கோட்டூா் விலக்கில் ஆட்டோ திரும்பிய போது, தூத்துக்குடியில் இருந்து சென்னை சென்ற ஆம்னி பேருந்து எதிா்பாராதவிதமாக மோதியது. இந்த விபத்தில் ஆட்டோ உருக்குலைந்து, முனியசாமி, ரமேஷ் ஆகிய இருவரும் சம்பவ இடத்திலேயே உடல் நசுங்கி உயிரிழந்தனா்.
தகவல் அறிந்த போலீஸாா் சம்பவ இடத்துக்கு சென்று, சடலங்களை கைப்பற்றி உடற்கூறு ஆய்வுக்காக எட்டயபுரம் அரசு மருத்துவமனைக்கு அனுப்பி வைத்தனா். விபத்து தொடா்பாக எட்டயபுரம் காவல் நிலைய போலீஸாா் வழக்குப் பதிந்து ஆம்னி பேருந்து ஓட்டுநா் தூத்துக்குடி மாவட்டம் புதுக்கோட்டையை சோ்ந்த இசக்கிமுத்துவை (38) கைது செய்து விசாரணை நடத்தி வருகின்றனா்.
