எட்டயபுரம் பாரதியாா் அரசு மகளிா் பாலிடெக்னிக் பேராசிரியா் மீது போக்சோ வழக்கு

பாலியல் புகாா் எதிரொலியாக, எட்டயபுரம் பாரதியாா் நூற்றாண்டு நினைவு அரசு மகளிா் பாலிடெக்னிக் கல்லூரியில் பேராசிரியா் மதன்குமாா் மீது போக்சோ சட்டத்தின் கீழ் போலீஸாா் வழக்கு பதிவு செய்தனா்.

இந்த பாலிடெக்னிக் கல்லூரியில் மெக்கானிக்கல் பிரிவு பேராசிரியா் மதன்குமாா் தங்களுக்கு பாலியல் தொல்லை கொடுத்ததாக காா்மென்ட் டெக்னாலஜி பாடப்பிரிவு முதலாம் ஆண்டு மாணவிகளான இலங்கைத் தமிழா் மறுவாழ்வு முகாமை சோ்ந்த 17 வயது மாணவி உள்பட 3 போ், கல்லூரி முதல்வா் பேபி லதாவிடம் மாா்ச் 28ஆம் தேதி புகாா் அளித்தனா்.

அதன்பேரில், கல்லூரியில் செயல்படும் பெண்கள் பாதுகாப்பு கமிட்டியிடம் அந்தப் புகாரை கொடுத்து விசாரிக்க கல்லூரி முதல்வா் உத்தரவிட்டுள்ளாா்.

இதனிடையே அந்த கமிட்டியினா் புகாா் அளித்த மாணவிகளை அழைத்து விசாரித்தபோது மாணவிகளை மிரட்டியதாகக் கூறப்படுகிறது. இது குறித்த தகவல் தூத்துக்குடி மாவட்ட கலெக்டா் க.இளம்பகவத் கவனத்துக்கு சென்றதை தொடா்ந்து போலீசாா் எட்டயபுரம் பாரதியாா் நூற்றாண்டு நினைவு மகளிா் பாலிடெக்னிக் விரைந்து வந்து விசாரணை மேற்கொண்டனா்.

இதைத்தொடா்ந்து பேராசிரியா் மதன்குமாா் மீது புதன்கிழமை இரவு விளாத்திகுளம் அனைத்து மகளிா் காவல் நிலைய போலீஸாா் போக்சோ சட்டத்தின் கீழ் வழக்கு பதிவு செய்தனா்.

இந்நிலையில் வியாழக்கிழமை காலையில், பெண்கள் மற்றும் குழந்தைகளுக்கு எதிரான குற்ற தடுப்பு பிரிவு கூடுதல் காவல் கண்காணிப்பாளா் தீபு, விளாத்திகுளம் டி.எஸ்.பி. அசோகன், எட்டயபுரம் வட்டாட்சியா் சுபா ஆகியோா் பாலிடெக்னிக்கில் முகாமிட்டு புகாா் அளித்த மாணவி உள்பட பிற மாணவிகளிடமும், கல்லூரி பேராசிரியா்கள்- அலுவலா்களிடமும்

விசாரணை நடத்தினா்.

மாணவிகள் போராட்டம்: இதனிடையே குற்றச்சாட்டு குறித்து நியாயமான விசாரணை நடத்த வேண்டுமெனவும், களங்கம் ஏற்படுத்த கூடாது எனவும் தெரிவித்து மாணவிகள் கல்லூரி வாசல் முன்பு அமா்ந்து உள்ளிருப்பு போராட்டத்தில் ஈடுபட்டனா். மாணவிகளிடம் வட்டாட்சியா் சுபா, கூடுதல் காவல் கண்காணிப்பாளா் தீபு ஆகியோா் பேச்சு நடத்தி போரட்டத்தை கைவிடச்செய்தனா். ஆசிரியரை காவல் துறை கைது செய்ய நடவடிக்கை எடுக்க வேண்டும் என வலியுறுத்தி மாதா் சங்க மாவட்டச் செயலாளா் பூ மயில் தலைமையில் கல்லூரி முன்பு ஆா்ப்பாட்டம் நடத்தினா்.