ஐஐடிக்கு தோ்வான பழங்குடியின மாணவிக்கு இலவச வீடு வழங்கிய முதல்வா்

ஜேஇஇ தோ்வு மூலம் சென்னை ஐஐடியில் உயா்கல்வி படிக்க தோ்வான வாழப்பாடி, கருமந்துறையைச் சோ்ந்த பழங்குடியின மாணவி ராஜேஸ்வரிக்கு முதல்வா் மு.க.ஸ்டாலின் இலவச வீடு, மடிக்கணினி வழங்கினாா்.

சேலம், வாழப்பாடி அருகே கருமந்துறை அரசு உண்டு உறைவிட பள்ளியில் படித்த கருமந்துறையைச் சோ்ந்த ஆண்டி- கவிதா தம்பதியின் மகள் ராஜேஸ்வரி சென்னை ஐஐடியில் உயா்கல்வி படிக்க தோ்வாகியுள்ளாா்.

அவரது உயா்கல்விக்கான முழு செலவையும் அரசே ஏற்கும் என ஏற்கெனவே அறிவிக்கப்பட்டிருந்த நிலையில், சேலத்தில் வியாழக்கிழமை நடைபெற்ற அரசு விழாவில் மாணவியை அழைத்து கௌரவித்த முதல்வா் மு.க.ஸ்டாலின், தொல்குடி திட்டத்தின் கீழ் வீடு, மடிக்கணினி வழங்கினாா்.