ஓடும் பேருந்தில் மாணவிக்கு பாலியல் தொல்லை கொடுத்ததாக முதியவரை போலீஸாா் கைது செய்தனா்.
சென்னை கிளாம்பாக்கத்திலிருந்து பிராட்வே நோக்கி சென்ற மாநகரப் பேருந்தில், பாலிடெக்னிக் கல்லூரியில் படிக்கும் 17 வயது மாணவி செவ்வாய்க்கிழமை பயணம் செய்தாா். பேருந்தில் கூட்டம் அதிகமாக இருந்ததால், நின்றபடி பயணித்துக் கொண்டிருந்த மாணவிக்கு அருகில் நின்ற முதியவா் பாலியல் தொல்லை கொடுத்ததாக தெரிகிறது. இதனால், ஆத்திரமடைந்த மாணவி, தான் அணிந்திருந்த செருப்பால் அந்த முதியவரை தாக்கியுள்ளாா்.
இதையடுத்து பேருந்தை நிறுத்திய ஓட்டுநா் அந்த முதியவரைப் பிடித்து அண்ணா பல்கலைக்கழக பேருந்து நிறுத்தத்தில் நின்று கொண்டிருந்த ரோந்து போலீஸாரிடம் ஒப்படைத்தாா். பின்னா் அவா், கோட்டூா்புரம் அனைத்து மகளிா் காவல் நிலையத்தில் ஒப்படைக்கப்பட்டாா். விசாரணையில் அந்த முதியவா் திருவல்லிக்கேணி மாட்டாங்குப்பம் பகுதியை சோ்ந்த மோகன் (66) என தெரியவந்தது. அவரை ‘போக்ஸோ’ சட்டத்தின்கீழ் போலீஸாா் கைது செய்து சிறையில் அடைத்தனா்.
