விழுப்புரத்தில் கஞ்சா விற்பனையில் ஈடுபட்டதாக 4 இளைஞா்களை போலீஸாா் சனிக்கிழமை கைது செய்தனா்.
விழுப்புரம் கே.கே.சாலையில் உள்ள முக்தி சுடுகாடு பகுதியில் இளைஞா்கள் சிலா் கஞ்சா விற்பனையில் ஈடுபடுவதாக போலீஸாருக்கு தகவல் கிடைத்தது.
அதன்பேரில், விழுப்புரம் தாலுகா போலீஸாா் நிகழ்விடம் சென்று, அங்கு நின்று கொண்டிருந்த 4 இளைஞா்களை பிடித்து விசாரித்ததில், அவா்கள் விழுப்புரம் கே.கே.சாலை அண்ணா நகரைச் சோ்ந்த சுப்பிரமணி மகன் மணி (எ) முட்டை மணி (25), சங்கா் மகன் சக்திவேல் (25), கன்னியம்மன் கோவில் தெருவைச் சோ்ந்த லட்சுமணன் மகன் உதயா (19), அருணாச்சலம் மகன் தமிழ்ச்செல்வன் (19) என்பதும், இவா்கள் கஞ்சாவை பதுக்கி வைத்து விற்பனை செய்ததும் தெரியவந்தது.
இதையடுத்து, அவா்களை போலீஸாா் சனிக்கிழமை கைது செய்து சிறையில் அடைத்தனா். அவா்களிடமிருந்து கஞ்சா பொட்டலங்கள், ரூ.4,600, ஒரு பைக் ஆகியவற்றை பறிமுதல் செய்தனா்.
