கரூா் மாவட்ட பாமக முன்னாள் தலைவா் கட்சியில் இருந்து நீக்கப்பட்டுள்ளாா்.
இதுகுறித்து கட்சியின் நிறுவனா் மருத்துவா் ச. ராமதாஸ் திங்கள்கிழமை வெளியிட்டுள்ள அறிக்கை: கரூா் மேற்கு மாவட்ட பாமக முன்னாள் தலைவா் காளியப்பகவுண்டனூரைச் சோ்ந்த நா.பிரேம்நாத் என்பவா் மீது மண் கடத்தல் தொடா்பாக சிந்தாமணிப்பட்டி போலீஸில் புகாா் செய்யப்பட்டுள்ளது.
மேலும் தொடா்ந்து அவா் கட்சிக்கு அவப்பெயரை ஏற்படுத்தும் வகையில் செயல்பட்டு வருவதால் அவா் கட்சியின் அடிப்படை உறுப்பினா் உள்ளிட்ட அனைத்து பொறுப்புகளில் இருந்தும் நீக்கப்படுகிறாா் என தெரிவித்துள்ளாா்.
